________________
प्रमेयद्योतिका टीका प्र.३ उ.३ सू.९८ मनुष्यक्षेत्रनिरूपणम् __७३१ य होंति एककए पिडए ॥५॥ छावट्ठी पिडगाइं महागहाणं तु मणुयलोगंमि । छावत्तरं गहसयं च होइ एककए पिडए ॥६॥ चत्तारिय पंतीयो चंदाइच्चाण मणुयलोगंमि । छावट्रिय छावट्रिय होइ य एकेकया पंती ॥७॥ छप्पन्नं पंतीयो नक्खत्ताणं तु मणुयलोगंमि । छावट्टी छावट्टी हवइ य एकेकया पंती ॥८॥ छावत्तरं गहाणं पंतिसयं होइ मणुयलोगंमि । छावट्री छावटी य होइ एक्के किया पंती ॥९॥ ते मेरु परियडंता पयाहिणावत्तमंडला सव्वे । अणवट्ठिय जोगेहिं चंदा सूरा गहगणा य ॥१०॥ नक्खत्ततारगाणं अवटिया मंडला मुणेयव्वा । ते वि य पयाहिणावत्तमेव मेरे अणुचरंति ॥१॥ रयणियरदिणयराणं उड्डेव अहेब संकमो नस्थि । मंडल संकमणं पुणअभितर बाहिरंतिरिए ॥१२॥ रयणियर दिणयराणं नक्खताणं महग्गहाणं च । चार विसेसेण भवे सुहदुक्ख विही मणुस्साणं ॥१३॥तेसिं पविसंताणं तावक्खेत्तं तु वद्दए नियमा। तेणेव कमेण पुणो परिहायइ निक्खमंताणं ॥१४॥ तेसिं कलं. बुया पुप्फसंठिया होइ ताव खेत्तपहा । अंतो य संकुया बाहिं वित्थडा चंदसूरगणा ॥१५॥ केणं वड्डइ चंदो परिहाणी केण होइ चंदस्स । कालो वा जोण्हो वा केणाऽणुभावेण चंदस्स ॥१६॥ किण्हं राहु विमाणं निच्चं चंदेण होइ अविरहियं । चउरंगुलमप्पत्तं हिट्रा चंदस्स तं चरइ ॥१७॥ बावटुिं बावर्टि दिवसे दिवसे उ सुक्क पक्खस्स । जं परिवड्डइ चंदो खवेइ तं चेव कालेणं ॥१८॥ पन्नरसइ भागेण य चंदं पन्नरस मेव तं वरइ। पन्नरसइ भागेण य पुणो वि तं चेव तिकमइ ॥१९॥ एवं वडा चंदो परिहाणी एव होइ चंदस्स। कालो वा जोण्हा वा तेणागुभावेण चंदस्स ॥२०॥ अंतो मणुस्सखेत्ते हवंति चारोवगा य
જીવાભિગમસૂત્ર
