________________
६००
जीवाभिगमसूत्रे जाव जोइसिया देवा आसयंति। तेसि णं बहुसमरमणिज्जे भूमिभागे पासायवडेंसगा बावट्रि जोयणाई बहुमज्झ० मणिपेढियाओ दो जोयणाइं जाव सीहासणा सपरिवारा भाणियव्वा तहेव अटो गोयमा बहुसु खुड्डासु खुड्डियासु बहूइं उप्पलाई चंदवण्णाभाई चंदा एत्थ देवा महड्डिया जाव पलिओवमठिईया परिवसंति, तेणं तत्थ पत्तेयं पत्तेयं चउण्हं सामाणियसाहस्सीणं जाव चंददीवाणं चंदाण य रायहाणीणं अन्नेसिं च बहणं जोइसियाणं देवाणं देवीण य आहेवच्चं जाव विहरंति, से तेणट्रेणं गोयमा! चंद दीवा जाव णिचा । कहि णं भंते! जंबूदीवगाणं चंदाणं चंदाओ णामं रायहाणीओ पन्नत्ताओ। गोयमा ! चंददीवाणं पुरस्थिमेणं तिरियं जाव अण्णम्मि जंबूदीवे दीवे बारस जोयणसहस्साइं ओगाहित्ता तं चेव पमाणं जाव महड्डिया चंदा देवा चंदा देवा। कहि णं भंते जंबूद्दीवगाणं सूराणं सूरदीवा णामं दीवा पन्नत्ता गोयमा ! जंबूद्दीवेणं दीवे मंदरस्स पध्वयस्स पञ्चत्थिमेणं लवणसमुदं बारस जोयणसहस्साइं ओगाहित्ता तं चेव उच्चत्तं आयामविक्खंभेणं परिक्खेवो वेइया वणसंडा भूमिभागा जाव आसयंति पासायवडेंसगाणं तं चेव पमाणं मणिपेढिया सीहासणा सपरिवारा अट्रो उप्पलाइं सूरप्पभाई सूरा एत्थ देवा जाव रायहाणीओ सकाणं दीवाणं पचत्थिमेणं अण्णमि जंबुद्दीवे दीवे सेसं तं चेव जाव सूरा देवा। कहि णं भंते अभितरलवणगाणं चंदाणं चंददीवा णामं दीवा पन्नत्ता गोयमा! जंबूद्दीवे दीवे मंदरस्स पव्ययस्स पुरथिमेणं लवणसमुदं बारस जोयणसहस्साइं ओगा. हित्ता एत्थ णं अभितरलवणगाणं चंदाणं चंददीवा णामं दीवा पन्नत्ता जहा जंबुद्दीवगा चंदा तहा भाणियव्वा णवरि
જીવાભિગમસૂત્ર
