________________
प्रमेयद्योतिका टीका प्र.३ उ.३ सू.८६ वेलंधरनागराजस्वरूपनिरूपणम् ५५३ तीसे जोयणसते कोसं च उव्वेहेण मूले दस बावीसे जोयणसते आयामविक्खंभेणं, मज्झे सत्त तेवासे जोयणसते उरिं चत्तारि चउवीसे जोयणसए आयामविक्खंभेणं, मूले तिणि जोयणसहस्साइं दोणि य बत्तीसुत्तरे जोयणसए किंचि विसेसूणे परिक्खेवेणं मज्झे दो जोयणसहस्साइं दोपिण य छलसीते जोयणसते किंचि विसेसाहिए परिक्खेवेणं उरि एग जोयणसहस्सं तिणि य ईयाले जोयणसते किंचि विसेसूणे परिक्खेवेणं मूले विच्छिपणे मज्झे संखित्ते उपि तणुए गोपुच्छसंठाणसंठिए सव्वकणगामए अच्छे जाव पडिरूवे । सेणं एगाए पउमवरवेदियाए एगेण य वणसंडेणं सव्वतो समंता संपरिक्खित्ते दोण्ह वि वण्णओ। गोथूभस्स णं आवास पव्वयस्स उवरिं बहुसमरमणिज्जे भूमिभागे पन्नत्ते जाव आवासयंतिः । तस्स णं बहुसमरमणिज्जस्स भूमिभागस्स बहुमझदेसभाए एत्थ णं एगे महं पासायव.सए बावटुं जोयणद्धं च उड्ढे उच्चत्तेणं तं चेव पमाणं अद्धं आयामविक्खंभेणं वण्णओ जाव सीहासणं सपरिवारं। से केणट्रेणं भंते! एवं बुच्चइ गोथूभे आवासपव्वए गोथूभे पवए २ ?। गोयमा ! गोथूभेणं आवासपव्वए तत्थ तत्थ देसे तहिं तहिं बहुओ खुड्डा खुड्डियाओ जाव गोथूभवण्णाई बहूइं उप्पलाई तहेव जाव गोथूभे तत्थ देवे महड्दिए जाव पलिओवमट्टिइए परिवसति सेणं तत्थ चउण्हं सामाणियसाहस्सीणं जाव गोथूभस्स य आवासपव्वयस्स गोथूभाए रायहाणीए जाव विहरति, से तेणट्रेणं जाव णिच्चे । रायहाणी पुच्छा गोयमा ! गोथूभस्स आवासपव्वयस्स पुरथिमेणं तिरियमसंखेज्जे दीवसमुद्दे वीइ. वइत्ता अण्णंमि लवणसमुद्दे तं चेव पमाणं तहेव सव्वं ।
जी० ७०
જીવાભિગમસૂત્ર
