________________
५०२
जीवाभिगमसूत्रे पन्नता तं जहा-विजए वेजयंते जयंते अपराजिए। कहि णं भंते लवणसमुदस्स विजए णामं दारे पन्नत्ते ? गोयमा! लवणसमुदस्स पुरथिमपेरंते धायइसंडस्स दीवस्स पुरथिमद्धस्स पञ्चत्थिभेणं सीओदाए महानदीए उप्पि एत्थणं लवणस्स समुद. स्स विजए णामं दारे पन्नत्ते अट्ट जोयणाई उडू उच्चत्तेणं चत्तारि जोयणाई विक्खंभेणं एवं तं चेव सव्वं जहा जंबुद्दीवस्स विजयस्स वि। [दारसरिसमेयंपि] रायहाणी पुरथिमेगं अण्णंमि लवणसमुद्दे । कहि णं भंते ! लवणसमुद्दे वेजयंते नामं दारे पन्नत्ते ? गोयमा ! लवणसमुद्दे दाहिणपेरंते धायइसंड दीवस्त दाहिणद्वस्स उत्तरेणं सेसं तं चेव सव्वं । एवं जयंते वि णवरि सीयाए महाणईए उप्पि भाणियव्वे । एवं अवराजिते वि णवरं दिसीभागो भाणियवो । लवणस्स णं भंते ! समुदस्स दारस्स य? एस णं केवतियं अबाधाए अंतरे पन्नत्ते ? गोयमा! तिपणे वसत सहस्सा पंचाणउतिं भवे सहस्साइं दो जोयणसत असिता. कोसं दारंतरे लवणे॥१॥ जाव अबाधाए अंतरे पन्नत्ते । लवणस्स णं पएसा धायइसंडं दीवं पुटा तहेव जहा जंबुद्दीवे धायइ. संडे वि सोचेव गमो। लवणेणं भंते ! समुद्दे जीवा उदाइत्ता सो चेव विही एवं धायइसंडे वि। से केणटेणं भंते! एवं वुच्चइ लवणसमुद्दे गोयमा ! लवणेणं समुद्दे उदगे आविले रइले लोणे लिंदे-खारए कडुए अप्पेज्जे बहूणं दुपय चउप्पय मिय पसुपविखसिरीसवाणं नण्णत्थ तज्जोणियाणं सत्ताणं सोथिए एत्थ लवणाहिवई देवे महड्डिए पलिओवमठिईए से णं तत्थ सामाणिय जाव लवणसमुदस्स सुत्थियाए रायहाणीए अण्णेसिं जाव विहरइ से एएणटेणं गोयमा! एवं वुच्चइ लवणेणं समुद्दे-२ अदुत्तरं च गं गोयमा! लवणससुद्दे सासए जाव णिच्चे ॥सू०८१॥
જીવાભિગમસૂત્ર
