________________
४७८
जीवाभिगमसूत्रे परिक्खेवेणं उवरि सातिरेगाइं बारस जोयणाइं परिक्खेवेणं मूले विच्छिन्ने मज्झे संखित्ते उपि तणुए गोपुच्छ संठाण. संठिए सव्व जंबूणयामए अच्छे जाव पडिरूवे से णं एगाए पउमवरवेदियाए एगे णं वणसंडेणं सव्वतो समंता संपरिक्खित्ते दोण्ह वि वण्णओ। तस्स णं कूडस्स उवरिं बहुसमरमणिज्झे भूमिभागे पन्नत्ते जाव आसयंतिः। तस्स णं बहुसमरमणिज्जस्स भूमिभागस्स बहुमज्झदेसभाए एगं सिद्धायतणं कोसप्पमाणं सव्वो सिद्धायतण वत्तव्वया जंबूएणं सुदंसणाए पुरथिमस्स भवणस्त दाहिणेणं दाहिणपुरथिमिल्लस्स पासायवडेंसगस्स उत्तरेणं एत्थ णं एगे महं कूडे पण्णत्ते । तं चेव पमाणं सिद्धायतणं च । जंबूए णं सुदंसणाए दाहिणिल्लस्स भवण० पुरस्थिमेणं दाहिण पुरथिमस्स पासायवडेंसगस्स पञ्चत्थिमेणं एत्थ णं एगे महं कूडे पन्नत्ते दाहिणस्स भवणस्स परतो दाहिण पञ्चस्थिमिल्लस्त पासायवडेंसगस्स पुरथिमेणं एत्थ णंएगे महं कूडे जंबूतो पञ्चस्थिमिल्लस्स भवणस्स दाहिणेणं दाहिणपञ्चथिमिल्लस्स पासायवडेंसगस्स उत्तरेणं एत्थ णं एगे महं कूडे पन्नत्ते तं चेव पमाणं सिद्धायतणं च। जंबए पञ्चत्थिम भवण उत्तरेणं उत्तर पञ्चस्थिमस्स पासायवडेंसगस्स दाहिणेणं एत्थ णं एगे महं कूडे पन्नत्ते तं चेव पमाणं सिद्धायतणं च । जंबूए उत्तरस्स भवणस्स पञ्चस्थिमेणं उत्तरपञ्चत्थिमस्स पासायवडेंसगस्स पुरस्थिमेणं एत्थ णं एगे महं कूडे पण्णत्ते तं चेव० । जंबूए उत्तर भवणस्स पचत्थिमेणं एत्थ णं एगे महं कूडे पन्नत्ते तं चेव पमाणं जहेव सिद्धायतणं। जंबणं सुदंसणा अण्णेहिं बहूहि तिलएहिं लउएहिं जाव रायरू क्खेहिं हिंगुरुक्खेहिं जाव सव्वओ समंता संपरिक्खित्ता ।
જીવાભિગમસૂત્ર
