________________
३६
जीवाभिगमसूत्रे
मईओ सूईओ णाणामणिमया समुग्गया, वइरामईओ अग्गलाओ अग्गलपासाया, वइरामई आवत्तणपेढिया अंकुत्तरपासए निरंतरियधणकवाडे भित्तीसु चेव भित्तीगुलिया छप्पण्णा तिपिण होंति गोमाणसी तत्तिया नाणामणिमयरयणवालरूवगलीलट्ठिय सालभंजिया वइरामए कूडे रययामए उस्सेहे सव्वतवणिजमए उल्लोए णाणामणिमयरयणजाल पंजरमणिवंसग लोहियक्खपडिवंसगरययभोम्मे अंकामया पक्खवाहाओ जोतीरसामया वंसा वंसकवेल्लुगा य, रययामईओ पट्टियाओ जायरूवमईओ ओहाडणी वइरामईओ उवरिपुच्छणीओ सव्वसेय रययमएच्छायणे अंकमयकणगकूड तवणिजथ्रुभियाए सेए संखतलविमलणिम्मलदधिधणगोखोर फेणरययणिगरप्पगासे तिलगरयणद्धचंदचित्ते णाणामणिमयदामालंकिए अंतो य बहिं य सण्हे तवणिजरुइलबालुयापत्थडे सुहष्फा से सस्सिरीयरूवे पासाईए४ ॥ विजयस्स णं दारस्स उभयोपासि दुहओ णिसीहियाए दो दो चंदनकलसपडिवाडीओ पण्णत्ताओ । ते णं चंदण कलसा वरकमल पट्टाणा सुरभिवरवारिपडिपुण्णा चंद्णकयचच्चागा आब
कंठेगुणा परमुपलपिहाणा सव्वरयणामया अच्छा सण्हा जाव पाडवा महया महया महिंद कुंभसमाणा पण्णत्ता समणाउसो ! विजयस्स णं दारस्स उभओ पासिं दुहओ णिसीहियाए दो दो नागदंत परिवाडीओ पण्णत्ताओ । ते णं णागदंता मुत्ताजालंतरुस्सिय हेमजालगवक्खजालखिखिणी घंटाजाल परिक्वित्ता अब्भुग्गया अभिणिसिट्टा तिरियं सुसंपग्गहिया अहे पण्णगद्धरुवा पण्णगद्धसंठाणसंठिया सव्वरयणामया अच्छा जाव पडिवा, महया महया गयदंत समाणा पन्नत्ता समणाउसो ! ॥ तेसु णं णागदंतसु बहवे किण्हसुत्त बद्धवग्घारियमल्ल
જીવાભિગમસૂત્ર
