________________
४२०
जीवाभिगमसूत्रे जोयणसते चत्तारि सत्तभागा जोयणस्स अबाहाए सीताए महाणईए बहुमज्झदेसभाए एत्थ णं उत्तरकुराए कुराए नीलवंतदहे नामं दहे पन्नत्ते उत्तर दक्षिणायए पाईण पाईणविच्छिन्ने एगं जोयणसहस्सं आयामेणं पंचजोयणसताई विखं. भेणं दस जोयणाई उव्वेहेणं अच्छे सण्हे रयतामए कूले चउ. कोणे समतीरे जाव पडिरूवे । उभओ पासिं दोण्हिय पउमवरवेइयाहिं वणसंडेहिं सव्वतो समंता संपरिक्खित्ते दोण्ह वि वण्णओ। नीलवंतस्स दहस्सणं दहस्स तत्थ २ जाव बहवे तीसोवाणपडिरूवगा पपणत्ता वण्णओ भाणियव्वो जाव तोरण ति । तस्स णं नीलबंतदहस्त णं दहस्स बहुमज्झदेसभाए एत्थ णं एगे महं पउमे पण्णत्ते जोयणं आयामविक्खंभेणं तंतिगुणं सविसेसं परिक्खेवेणं अद्धजोयणं बाहल्लेणं दस जोयणाई उव्वेहेणं दो कोसे ऊसिते जलंताओ सातिरेगाइं दसद्धजोयणाई सव्वग्गेणं पण्णत्ते। तस्स णं पउमस्स अयमेयारूवे वण्णा वासे पन्नत्ते तं जहा-वइरामया मूला रिट्ठामंते कंदे वेरुलियामए नाले वेरुलियामया बाहिरपत्ता जंबूणयमया अभितरपत्ता तवणिजमया केसरा कणगामई कणिया नानामणिमया पुक्खरत्थिभुगा ॥ सा णं कणिया अद्धजोयणं आयामविक्खंभेणं तंतिगुणं सविसेसं परिक्खेवेणं कोसं बाहल्लेणं सव्वप्पणा कणगमई अच्छा सहा जाव पडिरूवा। तीसे णं कणियाए उरि बहुसमरमणिज्जे देसभाए पण्णत्ते जाव मणिहिं । तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगेमहं भवणे पण्णत्ते कोसं आयामेणं अद्धकोसं विक्खंभेणं देसूणं कोसं उड्डूं उच्चत्तेणं अणेगखंभसतसंनिविद्रं जाव वण्णओ तस्स णं भवणस्स तिदिसिं तओ दारा पन्नता पुरस्थिमेणं
જીવાભિગમસૂત્ર
