________________
प्रमेयद्योतिका टीका प्र.३ उ.३ सू.६७ विजयदेवस्य जिनप्रतिमापूजनम् ३३३ विभूसियं करेत्ता ददरमलयसुगंधगंधिएहिं गंधेहिं गायाई सुकिडति सुकिडित्ता दिव्वं च सुमणदामं पिणिद्धति ॥ तएणं से विजए देवे केसालंकारेणं वत्थालंकारेणं मल्लालंकारेणं आभ रणालंकारेणं चउविहेणं अलंकारेण अलंकिते विभूसिए समाणे पडिपुण्णालंकारे सोहासणाओ अब्भुट्टैइ अब्भुटेत्ता अलंका. रियसभाओ पुरथिमिल्लेणं दारेणं पडिनिक्खमति, पडिनिक्खमित्ता जेणेव ववसायसभा तेणेव उवागच्छइ तेणेव उवागच्छित्ता ववसायसभं अणुप्पयाहिणं करेमाणे२ पुरथिमिल्लेणं दारेण अणुप्पविसति अणुप्पविसित्ता जेणेव सीहासणे तेणेव उवागच्छइ उवागच्छित्ता सीहासणवरगते पुरत्थाभिमुहे सण्णि सण्णे ॥ तएणं तस्स विजयस्स देवस्स आभिजोगिका देवा पोत्थयरयणं उवणेति । तएणं विजयए देवे पोत्थयरयणं गेण्हइ गेण्हित्ता पोत्थयरयणं मुयइ पोत्थयरयणं मुएत्ता पोत्थयरयणं विहाडेति विहाडेता पोत्थयरयणं वाएति पोत्थयरयणं वाएत्ता धम्मियं ववसायं गेण्हंति धम्मियं ववसायं गेण्हित्ता पोत्थयरयणं पडिणिक्खिवेइ पडिणिक्खिवित्ता सीहासणाओ अब्भुटेइ अब्भुट्रेता ववसायसभाओ पुरथिमिल्लेणं दारेणं पडिनिक्खमइ पडिनिक्खमित्ता जेणेव गंदा पुक्खरिणि तेणेव उवागच्छइ तेणेव उवागच्छित्ता गंदा पुक्खरिणी अणुप्पदाहिणी करेमाणे पुरत्थिमिल्लेणं दारेणं अणुपविसइ अणुपविसित्ता पुरस्थिमिल्लेणं तिसोवाणपडिरुवगएणं पच्चोरुहइ पच्चोरुहित्ता हत्थं पादं पक्खालेति हत्थं पायं पक्खालित्ता एगं महं सेयं रययामयं विमलसलिल पुण्णं भत्तगय महामुहाकिति समाणं भिंगारं पगिण्हंति पगिण्हित्ता जाइं तत्थ उप्पलाइं पउमाइं जाव सतसहस्सपत्ताइं ताई गिण्हंति गेण्हित्ता नंदाओ पुक्खरिणीओ
જીવાભિગમસૂત્ર
