________________
१७८
जीवाभिगमसूत्रे
पडिदुवार दे सभागा- आसत्तोसत्त विउलबहूवग्धारिय महदामकलावा पंचवण्ण मुरससुरभिमुक्कपुष्फ पुंजोवयारकलिता कालागुरुपवर कुंद रुक्कतुरुक्क धूवमघमधेंत गंधुद्धूयाभिरामा सुगंधवरगंधिया गंधवहिया अच्छरगणसंघसंविकिन्ना दिव्वतुडियम हुरसहसंपडाइया सुरंमा सव्वरयणामई अच्छा जाव पडिरुवा । तीसे णं सोहम्माए सभाए तिदिसिं तओ दारा पन्नत्ता । तेणं दारा पत्तेयं पत्तेयं दो दो जोयणाई उडूं उच्चत्तेणं एवं जोयणं विक्खंभेणं तावइयं चेव पवेसेणं सेया वरकणगथ्रुभियागा जाव वणमालादारवन्नाओ । तेसि णं दाराणं पुरओ मुहमंडवा पन्नत्ता । तेणं मुहमंडवा अद्धतेरस जोयणाई आयामेणं छ जोयणाई सक्कोसाई विवखंभेणं साइरेगाई दो जोयणाई उहूं उच्चतेणं मुहमंडवा अणेगखंभसय संनिविट्ठा जाव उल्लोया भूमिभाग वण्णओ । तेसिणं मुहमंडवाणं उवरिं पत्तेयं पत्तेयं अट्ठट्ठ मंगलगा पण्णत्ता जाव मच्छा । तेसि णं मुहमंडवाणं उवरिं पत्तेयं पत्तेयं पेच्छाधर मंडवा पन्नत्ता तेणं पेच्छाघरमंडवा अद्धतेरस जोयणाई आयामेणं जाव दो जोयणाई उड्ड उच्चतेणं जाव मणिफासो । तेसि णं बहुमज्झदेसभाए पत्तेयं पत्तेयं वइरामय अक्खाडगा पन्नत्ता । तेसि णं वइरामयाणं अक्खाडगाणं बहुमज्झदेसभाए पत्तेयं पत्तेयं मणिपीढिया पन्नत्ता । ताओ णं मणिपीढियाओ जोयणमेगं आयामविक्खंभेणं अद्धजोयणं बाहल्लेणं सव्वमणिमईओ अच्छाओ जाव पडिरूवाओ । तासि णं मणिपीढियाणं उपि पत्तेयं पत्तेयं सीहासणा पन्नत्ता सोहासण वण्णओ जाव दामा परिवारो । तेसि णं पेच्छाघरमंडवाणं उपि अट्ट मंगलगा झया छत्ताइछत्ता । तेसि णं पेच्छाघर
જીવાભિગમસૂત્ર
