________________
जीवाभिगमसूत्रे जाव पडिरूवाओ॥ एवं हयवीहीओ जाव पडिरूवाओ ॥ एवं हयमिहुणाई गयमिहुणाई जाव पडिरूवाइं॥ तीसे णं पउ. मवरवेइयाए तत्थ तत्थ देसे तहिं तहिं बहवे पउमलयाओ नागलयाओ, एवं असोगलयाओ चंपगलयाओ चूयलयाओ वणलयाओ बासंतियलयाओ अइमुत्तगलयाओ कुंदलयाओ सामलयाओ णिचं कुसुमियाओ जाव सुविभत्तपडिमंजरिवडिंसगधराओसव्वरयणामईओसण्हाओलण्हाओ घटाओ मट्राओ णीरयाओणिम्मलाओ णिप्पंकाओणिकंकडच्छायाओसप्पभाओ समरीयाओ सउज्जोयाओ पासाईयाओ दरिसणिजाओ अभि. रूवाओ पडिरूवाओ। से केणटेणं भंते ! एवं वुच्चइ पउमबरवेइया पउमवरवेइया? गोयमा ! पउमवरवेइयाए तत्थ तत्थ देसे तहिं तहिं वेइयासु वेइया बाहासु वेइयासीसफलएसु वेइया पुडंतरेसु खंभेसु खंभबाहासु खंभसीसेसु खंभपुडंतरेसु सूईसु सूईमुहेसु सूईफलएसु सूईपुडंतरेसु पक्खेसु पक्खबाहासु पक्खपुडंतरेसु बहूइं उप्पलाइं पउमाई जाव सयसहस्सपत्ताई सव्वरयणामयाइं अच्छाई सपहाइं लण्हाइं घट्टाइं मट्टाई गीरयाइं णिम्मलाई णिप्पंकाई णिकंकडच्छायाइं सप्पभाई समरीयाई सउज्जोयाइं पासादीयाई दरिसणिजाई अभिरूवाइं पडिरूवाई महया२ वासिकछत्तसमयाइं पण्णनाइं समणा उसो ? से तेणटेणं गोयमा! एवं वुच्चइ पउमवरवेइया पउमवरवेइया ? पउमवरवेइयाणं भंते ! किं सासया असासया ? गोयमा! सिय सासया सिय असासया। से केणटेणं भंते ! एवं वुच्चइ सिय सासया सिय असासया ? गोयमा! व्वट्ठयाए सासया, वण्णपज्जवेहिं गंधपज्जवेहिं रसपज्जवेहिं फासपज्जवेहिं असासया ।
જીવાભિગમસૂત્ર
