________________
૨૮૮
जीवाभिगमसूत्रे सेणं अद्धमासं वा संहणेजा से णं तं सीयं सीईभुयं अओमएणं संदंसएणं गहाय असम्भावपटवणाए उसिणवेदणिजेसु गरएसु पक्खिवेजा, से णं तं उम्मिसिय णिमिसियंतरेणं पुणरवि पच्चुद्धरिस्सामि तिकटु पविरायमेव पासेजा पविलीणमेव पासेजा पविद्धत्थमेव पासेज्जा णो चेव णं संचाएइ अविरयं वा अविलीणं वा अविद्धत्थं वा पुणरवि पच्चुद्धरित्तए। से जहावा मत्तमायंगे दिवए कुंजरे सट्रिहायणे पढमसरय कालसमयंसि वा चरमनिदाध कालसमयंसि वा उण्हाभिहए तण्हाभिहए दवग्गिजालाभिहए आउरे सुसिए पिपासिए दुब्बले किलंते एक महं पुक्खरिणिं पासेजा चाउकोणं समतीरं अणुपुटवसुजाय वप्पगंभीर सीयलजलं संघण्ण पत्तभिसमुणालं बहुउप्पलकुमुय
लिण सुभगसोगंधिय पुंडरीय महापुंडरीय सयपत्त सहस्सपत्त केसरफुल्लोवचियं छप्पय परिभुजमाणकमल अच्छविमलसलिलपुण्णं पडिहत्थगभमंतमच्छकच्छभं अणेगसउणगणमिहुणयवि रइय सदुन्नइय महरसरनाइयं तं पासइ, पासित्ता तं ओगाहइ ओगाहित्ता से णं तत्थ उण्हं पि पविणेजा तण्हं पि पविणेजा, खुहं पि पविणेजा जरं पि पविणेजा दाहं पि पविणेजा णिदाएज वा पयलाएज वा सई वा रई वा धिई वा मइं वा उक्लभेज्जा, सीए सीयभुए संकममाणे साया सोक्ख बहुलेया वि विहरिजा, एवामेव गोयमा ! असम्भावपट्टवणाए उसिणवेयणिज्जेहितो गरएहितो रइए उबट्टिए समाणे जाइं इमाई मणुस्सलोयंसि भवंति गोलियालिंछाणि वा सोंडियालिंछाणिवालिंडियालिंछाणि वा अयागराणि वा तंवागराणि वा तउयागराणि वा सीसागराणि वा रूप्पागराणि वा सुवन्नागाणि वा हिरण्णागराणि
જીવાભિગમસૂત્ર