________________
प्रमेयद्योतिका टीका प्र.३ उ.२ सू.२० नारकाणां क्षुत्पिपासास्वरूपम् २७१ बणाए सव्यपोग्गले वा सव्वोदही वा आसयंसि पक्खिवेज्जा णो चेव णं से रयणप्पभा पुढवी नेरइए तित्ते वा सिया वितण्हे वा सिया एरिसया णं गोयमा ! रयणप्पभाए नेरइया खुहप्पिवासं पच्चणुब्भवमाणा बिहरंति, एवं जाव अहे सत्तभाए ॥ इमीसे णं भंते ! रयणप्पभाए पुढवीए नेरइया किं एगत्तं पभू विउव्वित्तए पुहुत्तं पि पभू विउवित्तए ? गोयमा ! एगत्तं पि पभू पुहुत्तं पि पभू विउवित्तए एगत्तं विउव्वेमाणा एगं महं मोग्गररूवं वा एवं मुसुंढि करवत्त असि सत्ती हलगदामुसल. चक्कणाराय कुंततोमरसूललउडभिंडमालाय जाव भिंडमालरूवं वा, पुहत्तं विउव्वेमाणा मोग्गररूवाणि वा जाव भिंडमालरूवाणि वा ताई संखेज्जाइं णो असंखेजाइं, संबद्घाई नो असंबद्धाई, सरिसाइं नो असरिसाइं विउबंति, विउवित्ता अण्णमण्णस्स कायं अभिहणमाणा अभिहणमाणा वेयणं उदीरेंति, उज्जलं विउलं पगाढं कक्कसं कडुयं फरुसं निठुरं चंडं तिव्वं दुक्खं दुग्ग दुरहियासं, एवं जाव धूमप्पभाए पुढवीए । छटुं सत्तमासु णं पुढवीसु नेरइया बहुमहंताई लोहिय कुंथु रुवाइं वइरामइतुं. डाइं गोमय कीडसमाणाई विउव्वंति, विउबित्ता अन्नमन्नस्स कायं समतुरंगेमाणा खायमाणा खायमाणा सयपोराग किमिया विव चालेमाणा चालेमाणा अंतो अंतो अणुप्पविसमाणा अणुप्पविसमाणा वेयणं उदीरेंति उज्जलं जाव दुरहियासं॥ इमीसे णं भंते! रयणप्पभाए पुढवीए नेरइया कि सीयं वेयणं वेदेति उसिणं वेयणं वेदेति सीयउसिणं वेयणं वेदेति ? गोयमा ! णो सीयं वेयणं वेदेति उसिणं वेयणं वेदेति नो सीतोसिणं वेदेति, वेदेति, ते अप्पयरा उपहजोणिया एवं जाव बालय
જીવાભિગમસૂત્ર
