________________
प्रमेयद्योतिका टीका प्र.३ सू.१० प्रतिपृथिव्याः उपर्यधस्तनचरमान्तयोरन्तरम् १११ उरिल्लाओ चरिमंताओ रयणस्स कंडस्स हेठिल्ले चरिमंते एएणं केवइयं अबाधाए अंतरे पन्नत्ते ? गोयमा! एकजोयण. सहस्सं अबाधाए अंतरे पन्नत्ते । इमीसे भंते ! रयणप्पभाए पुढवीए उवरिल्लाओ चरिमंताओ वइरस्स कंडस्स उवरिल्ले चरिमंते एसणं केवइयं अबाधाए अंतरे पन्नत्ते? गोयमा। एवं जोयणसहस्सं अबाधाए अंतरे पन्नत्ते । इमीसे णं भंते ! रयणप्पभाए पुढवीए उवरिल्लाओ चरिमंताओ वइरस्स कंडस्स हेठिल्ले चरिमंते एएणं केवइयं अबाधाए अंतरे पन्नत्ते? गोयमा ! दो जोयणसहस्साइं अबाधाए अंतरे पन्नत्ते। एवं जाव रिट्रस्स उवरिल्ले चरिमंते पन्नरस जोयणसहस्साई, हेठिल्ले चरिमंते सोलस जोयणसहस्साई। इमीसे णं भंते ! रयणप्पभाए पुढवीए उवरिल्लाओ चरिमंताओ पंकबहुलस्स कंडस्स उरिल्ले चरिमंते एसणं अबाधाए केवइयं अंतरे पन्नत्ते? गोयमा! सोलस जोयणसहस्साई अबाधाए अंतरे पन्नत्ते। हेठिल्ले चरिमंते एकं जोयणसहस्सं ॥ आवबहुलस्स उवरिल्ले चरिमंते एक जोयणसयसहस्सं हिठिल्ले चरिमंते असी उत्तरं जोयणसयसहस्तं ॥ घणोदहिस्स उवरिल्ले चरिमंते असी उत्तर जोयणसयसहस्सं, हेठिल्ले चरिमंते दो जोयणसयसहस्साई। इमीसे णं भंते ! रयणप्पभाए पुढवीए उवरिल्लाओ चरिमंताओ घणवायस्स उवरिल्ले चरिमंते दो जोयणसहस्साई हेठिल्ले चरिमंते असंखेज्जाइं जोयणसयसहस्साइं। इमीसे णं भंते ! रयणप्पभाए पुढवीए उवरिल्लाओ चरिमंताओ तणुवायस्त उवरिल्ले चरिमंते असंखेजाइं जोयणसयसहस्साइं अबाहाए अंतरे, हेठिल्ले वि असंखेजाइं जोयणसयसहस्साइं । एवं ओवासंतरे वि ।
જીવાભિગમસૂત્ર