________________
जीवाभिगमसूत्रे रसमंताई फासमंताई । जाइं भावओ वण्णमंताई आहारेंति ताई कि एग वण्णाइं आहारेंति, दुवण्णाई आहारेंति तिवण्णाई आहारेंति चउ वण्णाई आहारेंति पंच वण्णाइं आहारेति ? गोयमा ! ठाणमग्गणं पडुच्च एग वण्णाई पि दु वण्णाइं पि तिवण्णाई पि चउवण्णाई पि पंच वण्णाई पि आहारेंति, विहाणमग्गणं पडुच्च कालाई पि आहारेंति जाव सुकिलाई पि आहारेंति । जाइं वण्णओ कालाई आहारेति ताई किं एगगुणकालाई आहारेंति जाव अणंतगुणकालाई आहारेंति ? गोयमा ! एगगुणकालाई पि आहारेंति जाव अणंतगुणकालाई पि आहारेंति, एवं जाव सुकिल्लाइं । जाइं भावओ गंधमंताई आहारेति ताई कि एगगंधाई आहारेंति दुगंधाइं आहारेति ? गोयमा ! ठाणमग्गं पडुच्च एगगंधाई पि आहारेंति दुगंधाई पि आहारेंति विहाणमग्गणं पडुच्च सुब्भिगंधाई पि आहारेंति दुब्भिगंधाई पि आहारेति । जाइं गंधओ सुब्भिगंधाइं आहारेति ताई कि एगगुणसुन्भिगंधाई जाव अणंतगुणसुब्भिगंधाई आहारेंति ? गोयमा ! एगगुणसुब्मिगंधाई पि आहारति जाव अणंतगुणसुब्भिगंधाइंपि आहारेति । एवं दुब्भिगंधाइंपि। रसा जहा वण्णा ।। जाइं भावओ फासमंताई आहारेंति ताई कि एगफासाइं आहारेति, जाव अट्ठफासाइं आहारेंति ? गोयमा ! ठाणमग्गणं पडुच्च णो एगफासाई आहारेंति नो दुफासाइं आहारेंति नो तिफासाई आहारेंति चउ फासाई आहारेंति पंच फासाई पि जाव अट्ट फासाई पि आहारेंति, विहाण मग्गणं पडुच्च कक्खडाइं पि आहारेंति जाव लुक्खाई पि आहारेंति । जाई फासओ कक्खडाई आहारेति ताई कि एगगुणकवखडाइं आहोरेंति जाव अणंतगुणकक्खडाइं आहारेंति ? गोयमा ! एगगुणकक्खडाइं पि आहारेंति जाव अणंतगुणकक्खाडाइं पि आहारेंति, एवं जाव लुक्खा
જીવાભિગમસૂત્ર
