________________
॥ अथ त्रिविधाख्या द्वितीया प्रतिपत्तिः ।
द्विविधा प्रतिपत्तिर्निरूपिता, सम्प्रति त्रिविधा प्रतिपत्तिरारभ्यते, तत्र चेदमादिमं सूत्रम्तत्थं जे ते एवमाहंसु' इत्यादि ।
मूलम् — 'तत्थ जे ते एवमाहंसु तिविहा संसार समावण्णगा जीवा पन्नत्ता, ते एव माहंसु - तं जहा - इत्थी पुरिसा णपुंसगा से किं तं इत्थीओ? इत्थीओ तिधाओ पन्नत्ता, तं जहा - तिरिक्खजोणित्थओ मस्सित्थी देवित्थीओ! से किं तं तिरिक्ख जोणित्थीओ ? तिरिक्खजोणित्थीओ तिविहाओ पन्नत्ता तं जहा - जलयरीओ थल यरीओ खहयरीओ । से किं तं जलयरीओ ? जलयरीओ पंचविहाओ पन्नत्ताओ तं जहा मच्छीओ जाव सुंसुमारीओ से किं तं थलयरीओ । थलयरीओ दुविहाओ पन्नत्ताओ तं जहा चउप्पदीओ य परिसप्पिणीओ य से किं तं चउपदीओ ? चउप्पदीओ चउव्विहाओ पन्नत्ताओ, तं जहा एगखुरीओ जाव सणफईओ । से किं तं परिसप्पिणीओ परिसप्पिणीओ दुविहा पव्नत्ता तं जहा - उरपरिसप्पिणीओ य भुयपरिसप्पिणीओ य। से किं तं उरपरिसप्पिणीओ ? उरपरिसप्पिणीओ तिविहाओ पन्नत्ताओ, तं जहा - अहीओ अयगरीओ महोरगीओ, सेत्तं उरपरिसप्पिणीओ । से किं तं भुयपरिसप्पिणीओ ? भुयपरिसप्पिणीओ अणेगविहाओ पन्नत्ताओ तं जहा - गोहीओ णउलीओ सेधाओ
ओ सीओ सेरिघीओ ससाओ खाराओ पंचलोइयाओ चउप्पइयाओ मूसियाओ मुगुंसियाओ घरोलियाओ गोल्हियाओ जान्हि - याओ विरचिरालियाओ सेत्तं भुयपरिसप्पिणीओ । से किं तं खहयरीओ ?
જીવાભિગમસૂત્ર
