________________
३२४
राजप्रश्नीयसूत्रे
पुरिसा तं पुरिसं जाहे णो संचायंति बहूहिं आघवणाहिय पण्णवणाहि य परूवणाहिय आधवित्तए वा पण्णवित्तए वा परुवित्तए वा तया अहाणुपुवीए संपत्थिया ! एवं तंवागर रुप्पागर, सुवण्णागरं रयणागर, वइरागर । तए णं ते पुरिसा जेणेव सया जणवया जेणेव साई साइ नगराइ तेणेव उवागच्छति, वयरविक्किणणं करे ति, सुबह दासीदास गोमहिसगवेलगं गिण्हति अटूतलमूसिय पासायवडिंसगे, कारावेति, व्हाया कयबलिकम्मा कायकोउयमंगलपायच्छित्ता उपि पासायवरगया फुट्टमाणेहिं मुइंगमत्थएहिं बत्तीसइबद्धएहिं नाडए हि वरतरुणी संप उत्तेहिं उवणच्चिजमाणा उवगिजमाणा उवलालिज्जमाणा इट्ठे सदफरिसर सरूव-गंधे पंचविहे माणुस्सए कामभागे पच्चभवमाणाविहरति । तए णं से पुरिसे अयभारेण जेणेव सए नयरे तेणेव उवागच्छइ, अयभारगं गहाय अयविकिणणं करेs तंसि अप्पमसि निट्टियंसि खीणपरिव्वए ते पुरिसे उपि पासाय वरगए जाव विहरमाणे पासइ, पासित्ता एव वयासी - अहो ! णं अहं अण्णो अपुन्नो अकयत्थो अकयलक्खणो हिरिसिरिवजिओ हीणपुण्णचाउ से दुरंतपंतलक्खणे । जइ णं अहं मित्ताण वा नाईण, वा नियगाण वा वयणं सुणे तओ तो णं अहं पि एवं चेव उपि पासायवरगए जाव विहरे तओ । से तेणट्टेणं पएसी ! एवं बुच्चइमा तुमं पएसी ! पच्छाणुताविए भविज्जासि, जहा व से पुरिसे अयभारए || सू० १५४ ॥
શ્રી રાજપ્રશ્નીય સૂત્ર : ૦૨
