________________
४६०
राजप्रश्नीयसूत्रे पुडंतरेसु, बहुयाइं उप्पलाइं पउमाइं कुसुमाइं णलिणाई सुभगाई सोगंधियाइं पुंडरीयाइं महापुंडरियाई सयवत्ताई सहस्सवत्ताइ सव्वरयणामयाई अच्छाई जाव पडिरूवाइं महयावासिक्कछत्तसमाणाइं पण्णत्ताई समणाउसो ! से एएणं एटेणं गोयमा। पउमवरवेइया-पउमवरवेइया ।
पउमवरवेइया णं भंते ! कि सासया ? असासया ? गोयमा ! सिय सासया सिय असासया । से केणटणं भंते । एवं वुच्चइ सिय सासया सिय असासया ? गोयमा दवढयाए सासया, वन्नपज्जवेहिं गंधपज्जवेहिं रसपज्जयहिं फासपज्जवेहिं असासया । से एएणटेणं गोयमा । एवं वुच्चइ-सिय सासया सिय आसासया ! पउवरवेइया णं भंते ! कालओ केवच्चिरं होइ ? गोयमा ! ण कयाविणासि, ण कयावि णत्थि, ण कयावि ण भविस्सइ, भुविं च भवइ य भविस्सइ धुवा णियया सासया अक्खया अव्वया अवटिया णिच्चा पउमवरवेइया । साणं परमवरवेइया एगेणं वणसंडेणं सवओ समंता संपरिक्खित्ता ।
से णं वणसंडे देसूणाई दो जोयणाइं चकवालविक्वंभेणं, उवयारियालेणसमे परिक्खेवेणं, वणसंडवण्णओ भाणियवो जाव विहरंति । तस्सणं उवयारिलयणस्स चउदिसिं चत्तारि तिसोवाणपडिरूवगा पण्णत्ता, वण्णओ, तोरणा अट्ठट्ट मंगलगा झया छत्ताइच्छत्ता । तस्स णं उवयारियलयणस्स उवरि बहुसमरमणिज्जे भूमिभागे पण्णत्ते जाव मणीणं फासो ॥ सू० ७० ॥
શ્રી રાજપ્રક્ષીય સૂત્રઃ ૦૧
