________________
राजप्रश्नीयसूत्रे ___मूलम् —तएणं से पायत्ताणियाहिवई देवे सूरियाभेणं एवं वुत्ते समाणे हट्टतुट्ट. जाव हियए एवं देवा। तहत्ति आणाए विणएणं वयणं पडिसुणेइ, पडिसुणित्ता जेणेव सूरियाभे विमाणे जेणेव सुहम्मा सभा जेणेव मेघोघरसियगंभीरमहरसदा जोयणपरिमंडला सुस्सरा घंटा तेणेव उवागच्छइ, उवागच्छित्ता तं मेघोघरसियगंभीरमहुरसइं जोयणपरिमंडलं सुस्सरं घंटं तिक्खुत्तो उल्लालेइ ! तएणं तीसे मेघोघरसिय गंभोरमहरसदाए जोयणपरिमंडलाए सुस्सराए घंटाए तिक्खुत्तो उल्लालियाए समाणीए से सूरिआभे विमाणे पासायविमाणणिक्खुडावडियसद्दघंटापडिया सयसहस्ससंकुले जाए यावि होत्था । तएणं तेसिं सूरियाभविमाणवासीणं बहूणं वेमाणियाणं देवाण य देवीण य एगंतरइपसत्तनिच्चप्पमत्तविसयसुहमुच्छियाणं सुस्सरघंटारवविउलबोलतुरियचवलपडिहणे कए समाणे घोसणकोउहलदिन्नकन्नएगग्गचित्त उव उत्तमाणसाणं से पायत्ताणीयाहिवई देवे तंसिं घंटारवंसि णिसंतपसंतसि महया महया सद्देणं उग्घोसेमाणे २ एवं वयासी-हंत सुणंतु भवंतो सूरियाभविमाणवासिणो बहवे वेमाणिया देवा य देवीओ य सूरियाभविमाणवइणो वयणं हियसुहत्थं-आणवेइ भो सूरियाभे देवे गच्छइ णं भो सरियाभे देवे जंबुद्दीवं २ भारहं वासं नयरी अंबसालवणं चेइयं समणं भगवं महावीरं अभिवंदित्तए, तं तुब्भेऽवि णं देवाणुप्पिया ! सव्विड्ढीए जाव अकालपरिहोणं चेव सरियाभस्स देबस्स अंतिए पाउब्भवह ।। सू०९ ।।
શ્રી રાજપ્રક્ષીય સૂત્રઃ ૦૧
