________________
विपाकश्रुते
॥मूलम् ॥ तए णं सागरदत्तस्स सत्थवाहस्स गंगदत्ता भारिया जाइजिंदुयावि होत्था । तीसे जे जे जाया दारगा ते ते विणिघायमावजंति, तए णं तीसे गंगदत्ताए सत्थवाहीए अण्णया कयाइं पुत्वरत्तावरत्तकालसमयंसि कुडंबजागरियं जागरमाणीए अयं अज्झथिए५ समुप्पण्णे एवं-खलु अहं सागरदत्तेणं सत्थवाहेणं सद्धिं बहुइं उरालाइं माणुस्सगाई भोगभोगाई भुंजमाणी विहरामि। णो चेव णं अहं दारगं वा दारियं वा पयायामि तं धण्णाओ णं ताओ अम्मयाओसपुण्णाओ णं ताओ अम्मयाओ कयत्थाओ णं ताओ अम्मयाओ कयपुण्णाओणं ताओ अम्मयाओ कयलक्खणाओ णं ताओ अम्मयाओ सुलद्धेणं तासिं अम्मयाणं माणुस्सए जम्मजीवियफले जासिं मण्णे णियगकुच्छिसंभूयाइं थणदुद्धलुद्धगाइं मम्मणपयंपियाइं थणमूलकक्खदेसभागं अइसरमाणाई मुद्धगाइं पुणो पुणो य कोमलकमलोवमेहि हत्थेहिं गिहिऊण उच्छंगणिवेसियाई दिति समुल्लावए सुमहुरे पुणो पुणो मंजुलप्पभणिए, अहणणं अधण्णा अपुण्णा अकयपुण्णा, एत्तो एगयरमवि ण पत्ता, तं सेयं खलु ममं कल्लं जाव जलंते सागरदत्तं सत्थवाहं आपुच्छित्ता सुबहुपुप्फवत्थगंधमल्लालंकारं गहाय बहुर्हि मित्तणाइणियगसयणिसंबंधिपरियणमहिलाहिं सद्धिं पाडलिसंडाओ जयराओ पडिणिक्खमित्ता बहिया जेणेव उंबरदत्तस्स जक्खस्स जक्खायतणे तेणेव उवागच्छित्तए, उवागच्छित्ता तत्थ णं उंबरदत्तस्स जक्खस्स महरिहं पुप्फच्चणं करित्तए, करिता जाणुपायवडियाए उवयाइत्तए-जइ णं अहं देवाणुप्पिया! दारगं वा दारियं वा पयायामि, तो णं अहं जायं च दायं च भायं च अक्खयणिहिं च अणुवट्रिस्सामित्ति कटु उवयाइयं उवाइणित्तए एवं
શ્રી વિપાક સૂત્ર
