________________
अर्थबोधिनी टीका वर्ग ३ धन्यकुमारवर्णनम्
४७
॥ अथ तृतीयो वर्गः ॥
जम्बूस्वामि पृच्छति - ' जड़ णं भंते!' इत्यादि । मूलम् - जइ णं भंते ! समणेणं जाव संपत्तेणं अणुत्तरोबवाइयदसाणं दोच्चस्स णं वग्गस्स अयमट्ठे पण्णत्ते, तच्चस्स णं भंते ! वग्गस्स अणुत्तरोववाइयदसाणं समणेणं जाव संपतेणं के अट्ठे पण्णत्ते ? । एवं खलु जंबू ! समणेणं जाव संपत्तेणं अणुत्तरोववाइयदसाणं तच्चस्स वग्गस्स दस अज्झयणा पण्णत्ता, तं जहा - "धन्ने य १ सुनक्खते य २, इसिदासे य ३ आहिए । पेल्ल ४ रामपुत्ते य ५, चंदिमा ६ पिट्टिमाइया ७ ॥ १ ॥ पेढालपुत्ते ८ अणगारे, नवमे पोहिले ९ विय । बेहले १० दसमे वुत्ते, इमे य दस आहिया ॥२॥ ॥सू० १ ॥
जम्बूस्वामी पुनः पृच्छति - 'जड़ णं भंते' इत्यादि ।
मूलम् - जइ णं भंते ! समणेणं जाव संपत्तेणं अणुत्तरोववाइयदसाणं तच्चस्स वग्गस्स दस अज्झयणा पन्नत्ता, पढमस्स णं भंते ! अज्झयणस्स समणेणं जाव संपत्तेणं के अहे पन्नत्ते ? एवं खलु जंबू ! तेणं कालेणं तेणं समएणं काकंदी नामं नयरी होत्था, रिद्धत्थिमियसमिद्धा । सहसंववणे उज्जाणे सव्वोउयसमिद्धे । जियसत्तू राया । तत्थ णं काकंदीए नय
ए भद्दा नाम सत्थवाही परिवसइ, अड्ढा जाव अपरिभूया । तीसे णं भद्दाए सत्थवाहीए पुत्ते धण्णे, नामं दारए होत्था, अहीण जाव सुरूवे, पंचधाईपरिग्गहीए, तं जहा - खीरधाई ०, जहा महाबले जाव बावन्तरिं कलाओ अहीए, जाव अलं भोगसमत्थे जाए यावि होत्था ॥ सू० २ ॥
શ્રી અનુત્તરોપપાતિક સૂત્ર
