________________
अनगारधर्मामृतयषिणी टीका अ० १९ पुंडरीक-कंडरीकचरित्रम् ७०९
मूलम्-जइणं भंते ! समणेणं भगवया महावीरेणं जाव संपत्तेणं अट्ठारसमस्त णायज्झयणस्स अयम? पण्णत्ते, एगूण. बीसइमस्स णायज्झयणस्स के अटे पण्णत्ते ? एवं खलु जंबू ! तेणं कालेणं तेणं समएणं इहेव जंबूदीवे दीवे पुव्वविदेहेवासे सीयाए महाणईए उत्तरिल्ले कूले नीलवंतस्स दाहिणेणं उत्तरिलस्स सीयामुहवणसंडस्स पञ्चस्थिमेणं एगसेलगस्स वक्खारपव्वयस्स पुरथिमेणं एत्थ णं पुक्खलावई णामं विजए पन्नत्ते । तत्थ णं पुंडरिगिणी णामं रायहाणी पन्नत्ता णवजोयणवित्थि. पणा दुवालसजोयणायामा जाव पञ्चक्खं देवलोगभूया पासाईया दरसणिजा अभिरूवा पडिरूया । तीसेणं पुंडरिगिणीए णयरीए उत्तरपुरस्थिमे दिसिभाए णलिणिवणे णाम उजाणे । तत्थ णं पुंडरिगिणीए रायहाणीए महापउमे णामं राया होत्या, तस्स णं पउमावई णामं देवी होत्था । तस्स णं महापउमस्त रन्नो पुत्ता पउमावईए देवीए अत्तया दुवे कुमारा होत्था, तं जहापुंडरीए य कंडरीए य, सुकुमालपाणिपाया० । पुंडरीए जुवराया। तेणं कालेणं तेणं समएणं थेरागमणं, महापउमे राया णिग्गए धम्म सोच्चा, पोंडरीयं रज्जे ठवेत्ता पव्वइए पोंडरीए राया जाए, कंडरीए जुवराया, महापउमे अणगारे चोदसपुवाई अहिजइ , तएणं थेरा बहिया जणवयविहारं विहरंति , तएणं से महापउमे बहूणि वासाइं जाव सिद्धे ॥ सू० १॥
શ્રી જ્ઞાતાધર્મ કથાંગ સૂત્રઃ ૦૩
