________________
जाताधर्मकथाजसो होत्था। तएणं रायगिहस्स नयरस्स अदूरसामंते दाहिणपुरस्थिमे दिसीभाए सीहगुहा नामं चोरपल्ली होत्था, विसमगिरिकडगकोडंबसंनिविद्या, वंसी कलंकपागारपरिक्खित्ता छिण्णसेलविसमप्पवायफलिहोवगूढा एगदुवारा अणेगखंडी विदियजणणिग्गमपवसा अभितरपाणिया सुदुल्ल. भजलपेरंता सुबहुस्स वि कुवियबलस्स आयगस्स दुप्पहंसा यावि होत्था। तत्थ सीहगुहाए चोरपीए विजए णामं चोरसेणावई परिवसइ अहम्मिए जाव अधम्मकेऊ समुटिए बहुणगरणिग्गयजसे सूरे दृढप्पहारी साहसिए सद्दवेही । से णं तत्थ सीहगुहाए चोरपल्लीए पंचण्हं चोरसयाणं आहेवच्चं जाव विहरइ। तएणं से विजए तक्करे चोरसेणावई बहणं चोराण य पारदारियाण य गंठिभेयगाण य संधिच्छेयगाण यखत्तखणगाण य रायावगारीण य अणधारगाण य बालघायगाण य विसंभघायगाण य जूयकाराण य खंडरक्खाण य अन्नेसिं च बहूणं छिन्नभिन्नबहिराययाणं कुडंगे यावि होत्था । तएणं से विजए तकरे चोरसेणावई रायगिहस्स दाहिणपुरस्थिमे जणवयं बहुहि गामघाएहि य नगरघाएहि य गोग्गहणेहि य बंदिग्गहणेहि य खत्तखणणेहि य पंथकुट्टणेहि य उवीलेमाणे २ विद्धंसेमाणे २ णित्थाणं णिद्धणं करमाणे विहरइ । तएणं से चिलाए दासचेडे रायगिहे बहुहि अस्थाभि संकीहि य चोज्जामि
શ્રી જ્ઞાતાધર્મ કથાંગ સૂત્રઃ ૦૩