________________
५१४
ज्ञाताधर्मकथाङ्गसूत्रे
दुरुहइ दुरुहित्ता जेणेव पउमनाभे राया तेणेव उवागच्छइ उवागच्छित्ता सेयं गोखीरहारधवलं तणसोल्लियसिंदुवारकुंदेंदुसनिगासं निययबलस्स हरिसजणणं रिउसेण्णविणासकरं पंचजण्णं संखं परामुसइ परामुसित्ता मुहवायपुरियं करेइ, तएणं तस्स पउमणाहस्स तेणं संखसदेणं बलइभाए हयजाव पडिसेहिए, तएणं से कण्हे वासुदेवे धऍपरामुसइवेढो धणुं पूरेइ पूरित्ता धणुसदं करेइ, तएणं तस्स पउमनाभस्स दोच्चे बलइभाए तेणं धणुसद्देणं हयमहिय जाव पडिसेहिए, तएणं से पउमणाभेराया तिभागबलावसेसे अत्थामे अबले अवीरिए अपुरिसक्कारपरक्कमे अधारणिज्जत्तिकट्ट सिग्धं तुरियं जेणेव अमरकंका तेणेव उवागच्छइ उवागच्छित्ता अमरकंकं रायहाणिं अणुपविसइ अणुपविसित्ता दाराइं पिहेइ पिहित्ता रोहसज्जे चिटइ, तएणं से कण्हे वासुदेवे जेणेव अमरकंका तेणेव उवागच्छइ उवागच्छित्ता रहं ठवेइ ठवित्ता रहाओ पच्चोरुहइ पच्चोरुहित्ता वेउब्वियसमु. ग्घाएणंसमोहणइ,एगं महं णरसीहरूवं विउव्वइ विउवित्ता महया महया सद्देणं पादददरयं करेइ, तएणं से कण्हेणं वासुदेवेणं महया महया सद्देणं पादददरएणं कएणं समाणेणं अमरकंका रायहाणी संभग्गपागारगोपुराट्टालयचरियतोरणपल्हस्थियपवरभवणसिरिघरा सरस्सरस्स धरणियले सन्निवइया, तएणं से पउमणाभे राया अमरकंकं रायहाणि संभग्ग जाव पासित्ता भीए दोवईए देवीए सरणं उवेइ तएणं सा
श्री शताधर्म अथांग सूत्र : 03
