________________
ज्ञाताधर्म कथाङ्गसूत्रे
मज्झमज्झेणं वीइवयइ वीइवइत्ता जेणेव अमरकंका रायहाणी जेणेव अमरकंकाए अग्गुजाणे तेणेव उवागच्छइ उवागच्छित्ता रहं ठवेइ ठवित्ता दारुयं सारहिं सदावेइ सदावित्ता एवं वयासी - गच्छह णं तुमं देवाणुप्पिया! अमरकंकारायहाणी अणुपविसाहिर पउमणाभस्स रण्णो वामेणं पारणं पायपीढं अक्कमित्ता कुंतग्गेणं लेहं पणामेहि तिवलियं भिउडिं णिडाले साहहु आसुरुते रुट्टे कुद्धे कुविए चांडक्किए एवं वयासी - हं भो पउमणाहा ! अपत्थियपत्थिया दुरंतपंतलक्खणा हीणपुन्नचाउद्दसा सिरी हिरिधी परिवज्जिया अज्ज ण भवसि किन्नं तुमंण याणासि कण्हस्स वासुदेवस्स अहव णं जुद्धसज्जे णिग्गच्छाहि एस णं कण्हे वासुदेवे पंचहिं पंडवेहिं अप्पछट्टे दोवई देवीए कूवं हव्वमागए, तएण से दारुए सारही कण्हेणं वासुदेवेणं एवं वृत्ते समाणे तुट्ठे जाव पडिसुणेइ पडिसुणित्ता अमरकंका रायहाणि अणुपविसइ अणुपविसित्ता जेणेव पउमनाहे तेणेव उवागच्छइ उवागच्छित्ता करयल जाव वद्धावेत्ता एवं वयासी - एस णं सामी ! मम विणयपडिवित्ती इमा अन्ना मम सामिस्स समुहाणत्तित्तिकट्टु आसुरुते वामपारणं पायपीढं अणुकमइ अणुक्कमित्ता कोतग्गेणं लेहं पणामइ पणामित्ता जाव कूवं हव्वमागए, तएणं से पउमणाभे दारुणेणं सारहिणा एवं वृत्ते समाणे आसुरुते त्तिवलिं भिउडिं निडाले साहहु एवं वयासी - णो अपिणामि पणं अहं देवाणुपिया ! कण्हस्स
४२४
શ્રી જ્ઞાતાધર્મ કથાંગ સૂત્ર ઃ ૦૩
