________________
___ ज्ञाताधर्मकथाङ्गसूत्रे खंड जाव एडेह पासे ठवेह जहा णं पत्तियं भवइ, ते वि तहेव ठविति. तएणं ते कोडुंबियपुरिसा तस्स दमगस्स अलंकारियकम्भं करेंति करित्ता सयपागसहस्सपागेहिं तिल्लेहि अब्भंगेति अब्भंगिए समाणे सुरभिगंधुव्वदृणेणं गायं उव्यहितिर उसिणोदगेणं गंधोदगेणं सीतोदगेणं हाणेति पम्हल सुकुमाल गंधकासाइयाए । गायाइं लूहति लूहित्ता हंसलक्खणं पट्टसाडगं परिहति परिहित्ता सवालंकारविभूसियं करेंति करित्ता विउलं असणपाणखाइमसाइमं भोया-ति भोयावित्ता सागरदत्तस्स उवणेति, तएणं सागरदते सूमालियं दारियं पहायं जाव सव्वालंकारविभूसियं करिता तं दमगपुरिसं एवं वयासी-देवाणुप्पिया! मम धूया इट्टा एयं णं अहं तव भारियत्ताए दलामि भद्दियाए भदओ भविजासि, तएणं से दमगपुरिसे सागरदतस्स एयम पडिसुणति पडिसुणिता सूमालियाए दारियाए सद्धिं वासघरं अणुपविसइ अणुपविसित्ता सूमालियाए दारियाए सद्धिं तलिमंसि निवजइ, तएणं से दमगपुरिसे सूमालियाए इमं एयारूवं अंगफास पडिसंवेदेइ, सेसं जहा सागरस्स जाव सयणिज्जाओ अब्भुट्टेइ अब्भुट्टित्ता वासघराओ निग्गच्छइ निग्गच्छित्ता खंडमल्लगं खंडघडगं च गहाय मारामुक्के विव काए जामेव दिसं पाउब्भूए तामेव दिसं पडिगए, तएणं सा सूमालिया जाव गएणं से दमगपुरिसे तिकटु ओहयमण जाव झियायइ ॥ सू० ११ ॥
श्री शताधर्म अथांग सूत्र : 03
