________________
१२६
ज्ञाताधर्मकथासूत्रे
गच्छित्ता अहिच्छत्ताए णयरीए बहिया अग्गुज्जाणे सत्थनिवेसं करेइ करिता सगडीसागडं मोयावेइ, तपणं से धण्णे सत्थवाहे महत्थं३ रायरिहं पाहुडं गेण्हइ गेण्हित्ता बहुहिं पुरिसेहिं सद्धि संपरिवुडे अहिच्छत्तं नयरिं मज्झं मज्झेणं अणुष्पविसइ अणुप्पविसित्ता जेणेव कणगकेऊ राया तेणेव उवागच्छइ, उवागच्छित्ता करयल जाव वृद्धावेइ, वद्धावित्ता तं महत्थं३ पाहुडं उवणेइ, तणं से कणगकेऊ, राया हट्टतुट्ट० घण्णस्स सत्यवाहस्स तं महत्थं३ जाव पडिच्छइ पडिच्छित्ता धण्णं सत्थवाहं सक्कारेइ सम्माणेइ सक्कारिता सम्माणित्ता उस्सुक्कं वियरइ २ पडिविसज्जेइ । तएण से धण्णे सत्थवाहे भंडविणिमयं करेइ करिता पडि - भंड गेण्हइ गेण्हित्ता सुहं सुहेणं जेणेव चंपानयरी तेणेव उवागच्छइ उवागच्छित्ता मित्तनाइ० अभिसमन्नागए विउलाई माणुस्सगाई कामभोगाई भुंजमाणे विहरइ, तेणं कालेणं तेणं समएणं थेरागमणं धणे सत्थवाहे धम्मे सोच्चा जेट्टपुत्ते कुटुंबे ठावेत्ता पठवइए सामाइयमाइयाई एक्कारसअंगाई वहूणि वासाणि सामण्णपरियागं पाउणइ पाउणित्ता मासियाए सं० अन्नतरेसु देवलोएस देवताए उववन्ने महाविदेहे वासे सिज्झिहिइ जाव अंतं करेहिइ । एवं खलु जंबू ! समणेणं भगवया महावीरेण जाव संपत्तेणं पन्नरसमस्स नायज्झयणस्स अयमट्ठे पण्णत्ते तिबेमि ॥ सू० ४ ॥
|| पन्नरसमं नायज्झयणं समत्तं ॥
શ્રી જ્ઞાતાધર્મ કથાંગ સૂત્ર ઃ ૦૩