________________
ज्ञाताधर्मकथाङ्गसूत्रे
मणियारसेट्ठी अन्नया गिम्हकालसमयांस जेट्टामूलंसि मासंसि अट्टमभत्तं परिगेण्हइ परिगेण्हित्ता पोसहसालाए जाव विह रइ, तरणं णंदस्स अट्टमभत्तांसि परिणममाणंसि तन्हाए छुहाए य अभिभूयस्स समाणस्स इमेयारूवे अज्झथिए समुप्पज्जित्था - धन्नाणं ते राईसर जाव सत्थवाहप्पभियओ जेसिं णं रायगिहस्सा बहिया बहूओ वावोओ पोक्खरणीओ जाव सरसरपंतियाओ जत्थ णं बहुजणो पहाइ य पियइ य पाणियं च संवहइ, तं सेयं खलु मम कल्लं पाउ० सेणियं आपुच्छित्ता रायगिहस्स उत्तरपुरच्छिमे दिसीभाए वेभारपव्वयस्स अदूरसामंते वत्थुपाढगरोइयंसि भूमिभागंसि जाव णंद पोक्खरणिं खणावेत्तए तिकट्टु एवं संपेहेइ कलं पाउ० जाव पोसहं पारेइ पारिता पहाए कयबलि कम्मे मित्तणाइ जाव संपरिवुडे महत्थं जाव रायारिहं पाहुडं गेण्हइ गेव्हित्ता जेणेव सेणिए राया तेणेव उवागच्छइ उवागच्छित्ता जाव पाहुडं उववेइ उवट्ठवित्ता एवं वयासी - इच्छामि णं सामी ! तुम्भेहि अब्भणुन्नाए समाणे रायगिहस्स वहिया जाव खणावेत्तए, अहासुहं देवाणुप्पिया !, तएणं णंदे सेणिएणं रन्ना अब्भणुण्णाए समाणे हड० रायगिहं मज्झं मज्झेणं निग्गच्छइ २ वत्थुपाढयरोइंसि भूमिभागंसि णंद पोक्खरणि खणाविडं पयते यावि होत्था, तरणं सा गंदा पोक्खरणी अणुपुवेणं खणमाणा २ पोक्खरणी जाया यावि होत्था
७३२
શ્રી જ્ઞાતાધર્મ કથાંગ સૂત્ર : ૦૨
