________________
-
-
अनगारधर्मामृतवर्षिणी टीका अ०१२ खातोदकविषयेसुबुद्धिद्रष्टान्तः ६८७ देवाणुप्पिया ! अप्पाणं च परं च तदुभयं वा वहहिं य असभावुब्भावणाहिं मिच्छत्ताभिणिवेसेण य वुग्गाहेमाणे वुप्पाएमाणे विहराहि, तएणं सुबुद्धिस्स इमेयारूवे अज्झथिए- अहो णे जियसत्तू संते तच्चे ताहिए अवितहे सब्भूए जिणपण्णत्ते भावे णो उबलभति, सेयं खलु मम जियसत्तुस्स रपणो संताणं तच्चाणं तहियाणं अवितहाणं सब्भूताणं जिणपण्णत्ताणं भावाणं अभिगमणट्ठयाए एयमह उवाइणावेत्तए, एवं संपेहेइ, संपेहित्ता पच्चंतिएहिं पुरिसेहिं सद्धिं अंतरावणाओ नवए घडएय गेण्हइ, गेण्हित्ता संझाकालसमयंलि पविरलमणुस्संसि णिसं. तपडिनिसंतंसि जेणेव फरिहोदए तेणेव उवागच्छइ, उवागच्छित्ता तं फरिहोदगं गेण्हावेइ गेहावित्ता नवएसु घडएसु गालावेइ गालावित्ता नवएसु घडएसु पक्खिवावेइ पक्खिवावित्ता लंछियमुहिते करावेइ करावित्ता सत्तरत्तं परिवसावेइ दोच्चंपि नवएसु घडएसु, गालवेइ गालवित्ता नवएसु घड. एसु पक्खिवावेइ पक्खिवावित्ता सजक्खारं पक्खिवावेह लंछियमुदिते करावेइ करावित्ता सत्तरत्तं परिवसावेइ तच्चंपि णवएसु घडएसु जाव संवसावेई एवं खलु एएणं उवाएणं अंतरा गलावमाणे अंतरा पक्खिवावमाणे अंतराय विपरिवसावेमाणे २ सत्तर राईदिया विपरिवसावेइ, तएणं से फरिहोदए सत्तमसत्तयंसि परिणममाणंसि उदगरयणे जाए याबि होत्था अच्छे पत्थे जच्चे तणुए फलिहवण्णाभे वण्णेणं उववए
શ્રી જ્ઞાતાધર્મ કથાંગ સૂત્રઃ ૦૨
