________________
६३६
ज्ञाताधर्मकथाङ्गसूत्रे साओ विदिसाओ पूरयंती वयणमिणं बेति सा साकलुसा ॥३॥ होल-वसुल-गोल-णाह-दइत-रमण-कंत-सामिय--णिग्घिण णिच्छक । थिण्ण णिकिव अकयण्णुय सिढिल भाव निल्लज्ज लुक्ख अकलुण जिणरक्खियं मज्झं हिययरक्खगा! ॥४॥णह जुजसि एक्कियं अणाहं अबंधवं तुज्झचलणओवायकारियं उज्झिउ महण्णं । गुणसंकर ! अहं तुमं बिहूणा ण समत्थावि जीविउं खर्णपि ॥ ५॥ इमस्त उ अणेगझसमगरविविह सावयसयाउलघरस्स । रयणागरस्स मज्झे अप्पाणं वहेमि तुझं पुरओ एहि णियत्ताहि जइसिकुविओ खमाहि एकावराहं मे ॥ ६ ॥ तुज्झ य विगयघणविमलससिमंडलागारं सस्सिरीयं सारयनवकमलकुमुयकुवलयविमलदलनिकरसरिसनिभनयणं वयणं पिवासागयाए सद्धा मे पेच्छिउं जे अवलोएहि ताइओ ममं णाह जो ते पच्छामि वयणकमलं ॥ ७॥ एवं सप्पणयः सरलमहुराई पुणो२ कलुणाई वयणाई जंपमाणी सा पावा मग्गओ समण्णेइ पावहियया ॥८॥ तएणं से जिणरक्खिए चलमाणे तेणेव भूसणरवेणं कण्णसुहमणोहरेणं तेहि य सप्पणयसरलमहुरभणिएहिं संजायविणराए रयणदीवस्स देवयाए तीसे सुंदरथणजहणवयणकरचरणनयणलावन्नरूवजोवणसिरिं च दिव्वं सरभसउवगूहियाइं विव्वोयविलसियाणि य विहसिय सकडक्खदिटिनिस्ससियमलियउवललियठियगमणपणयखिजियपासाइयाणि य सरमाणे रागमोहियमई अवसे
શ્રી જ્ઞાતાધર્મ કથાંગ સૂત્રઃ ૦૨
