________________
-
-
अनगारधर्मामृतवर्षिणी टीका अ० ८ काशिराजशंखनृपवर्णनम् ३९७
मूलम्-तेणं कालेणं तेणंसमएणं कासीनाम जणवए होत्था तत्थ णं वाणारसी नाम नयरी होत्था, तत्थ णं संखे नाम कासी राया होत्था, तएणं तीसे मल्लीए विदेहरायवरकन्नाए अन्नया कयाइं तस्स दिव्वस्स कुंडलजुयलस्स संधी विसंघ. डिए यावि होत्था, तएणं से कुंभए राया सुवन्नगारसेणिं सदावेइ, सदावित्ता एवं वयासी-तुब्भे णं देवाणुप्पिया! इमस्स दिव्वस्स कुंडलजुयलस्स संधि संघाडेह, तएणं सा सुवन्नगारसेणी एयमढे तहत्ति पडिसुणेइ २, पडिसुणित्ता तं दिव्वं कुंडलजुयलं गिण्हइ, गिणिहत्ता जेणेव सुवन्नगारभिसियाओ तेणेव उवागच्छइ, उवागच्छित्ता सुवन्नगारभिसियासु णिवेसेइ, णिवेसित्ता बहुहिं आएहिं य जाव परिणामेमाणा इच्छइ, तस्स दिव्वस्स कुंडलजुयलस्स संधि घडित्तए, नो चेवणं संचाएइ संघडित्तए, तएणं सा सुवन्नगारसेणी जेणेव कुंभए तेणेव उवागच्छइ, उवागच्छित्ता करयल० वद्धावेत्ता एवं वयासो-एवं खलु सामी ! अज तुब्भे अम्हे सदावित्ता जाव संधि संघाडेत्ता एयमाणं पञ्चप्पिणह, तएणंअम्हे तं दिव्वं कुंडलजुयलं गिण्हामो जेणेव सुवन्नगारभिसियाओ जाव नो संचाएमो संघाडित्तए, तएणं अम्हे सामी ! एयस्स दिव्वस्स कुंडलस्स अन्नं सरिसयं कुंडलजुयलं घडेमो, तएणं से कुंभए राजा तीसे सुवन्नगारसेणीए अंतिए एयमढे सोचा निसम्म आसुरुत्ते तिवलियभिउडी निडाले साहटु एवं वयासी-से केणं तुब्भे कलायाणं भवह ? जे णं तुब्भे इमस्स कुंडलजुयलस्स नो संचाएह संधि संघा
શ્રી જ્ઞાતાધર્મ કથાંગ સૂત્રઃ ૦૨