________________
६३२
ज्ञाताधर्मकथाङ्गसूत्रे
जेणेव धण्णे सत्थवाहे तेणेव उवागच्छइ, उवागच्छित्ता भोयपिड ठावे, ठावत्ता उल्लंछेइ, उल्लंछित्ता भायणाई गेण्हइ गेण्हित्ता भायणाई धावेइ, धोवित्ता हत्थसोयं दलयइ, दलयित्ता धणं सत्थवाहं तेणं विउलेणं असणं ४ परिवेसइ, तरणं से विजए तकरे घण्णं सत्थवाहं एवं वयासी - तुमण्णं देवाणुप्पिया ! मम एयाओ विउलाओ असण० ४ संविभागं करेहि, तरणं से धणे सत्थवाहे विजयं तकरं एवं वयासी अवियाई अहं विजया ! एयं विउलं असणं ४ कायाणं वा सुणगाणं वा दलएजा उक्कुरुडियाए वा णं छड्डेजा नो चेव णं तव पुत्तघायगस्स पुत्तमारगस्स अरिस्स वेरियस पडिणीयस्स पञ्च्चामित्तस्स एत्तो विउलाओ असण० ४ संविभागं करेजामि, तएण से धणे सत्थवाहे तं विउल असणं ४ आहारेइ, आहारिता तं पंथयं पडिविसज्जेइ, तएण से पंथ दासचेडे तं भोयणपिडगं गिoes, गिण्हित्ता जामेव दिसिं पाउब्भूए तामेव दिसिं पडिगए, तएणं तस्स घण्णस्स सत्यवाहस्स तं विउलं असणं ४ आहारियस्स समाणस्स उच्चारपासवणे णं उच्चाहित्था, तरणं से घण्णे सत्थवाहे विजयं तकरं एवं वयासी - एहि ताव विजया ! एगंतमवकमामो जेणं अहं उच्चारपासणं परिवेमि, तएण से विजए तकरे धणं सत्थवाहं एवं वयासी-तुब्भं देवाणुप्पिया ! विउलं असणं ४ आहारियस्स अत्थि उच्चारे वा पासवणे वा ममंणं देवाप्पिया ! इमेहिं बहूहिं कसप्पहारेहि य जाव लयापहारेहिय तण्हाए य छुहाय य परब्भवमाणस्स स्थि केइ उच्चारे वा पासवणे वा तं छंदेणं तुमं देवाणुप्पिया ! एगंते
શ્રી જ્ઞાતાધર્મ કથાંગ સૂત્ર ઃ ૦૧
