________________
अनगारधर्मामृतवर्ष टीका अ, १. सू ३५ मेघकुमार दीक्षोत्सवनिरूपणम्
कडीणं असयं वरतुरगाणं पुरओ अहाणुपुब्वींए संपट्टियं । तथाणंतरं चणं ईसिदंताणं ईसिमत्ताणं ईसिउच्छंगविसाल पवलदंताणं कंचणकोसिप विदंताणं असयं गयाणं पुरओ अहापुवीए संपट्टियं । तयाणंतरं चणं सछत्ताणं सज्झयाणं सघंटाणं सपडागाणं सतोरणवराणं सनंदघोसाणं सखिखिणीजालपरिक्खिताणं हेममयचित्ततिणिसकणगनिज्जुत्तदारुयाणं, कालाय ससुकय नेमिजंतकम्माणं सुसिलिट्टवित्तमंडलधुराणं आइण्णवरतुरगसंपउत्ताणं कुसल नरछेयसार हिसुसंपरिग्गहियाणं बत्तीस तोणपरिमंडियाणं सकंकडवर्डसकाणं सचावसरणपहरणावरण भरियजुद्धसज्जाणं अट्ठसयं रहाणं पुरओ अहाणुपुवीए संपट्टियं । तयाणं च णं असि सत्तिकांततोमरसूललउडभिंडिमालधणुपाणिसज्जं पायत्ताणीयं पुरओ अहाणुपुत्रीए संपट्टियं । तएणं से मेहेकुमारे हारोत्थयसुकयरइय. वच्छे कुंडलुजोइयाणणे मउदित्तसिरए अब्भहिय रायतेयलच्छीए दिप्पमाणे सकोरेंटमलदामेणं छत्तेणं धरिजमाणेणं सेयवरचामराहिं उद्धव्वमाणीहि हयगयपवरजोहकलियाए चाउरंगिणीए सेणाए समणुगम्भमाणग्गे जेणेव गुणसिलए चेइए तेणेव पहारेत्थ गमणाए । तणं तस्स मेहस्स कुमारस्स पुरओ महा आसा आसधरा उभओ पासे नागा नागधरा करिवरा पिटूओ रहा रहसंगेली । तएणं से मेहेकुमारे अब्भुगयभिंगारे पग्गहियतालियंटे ऊसविय सेयच्छत्तेपवीजियवालवियणीए सव्विदीए सव्वजुईए सव्वबलेणं सव्वसमुदपणं सव्वादरेणं सव्वविभूईए सव्वविभूसाए सव्वसंभमेणं सव्वगंधपुष्फमल्लालंकारेणं सव्वतुरियसद्दसन्निनाएणं महया इडीए
શ્રી જ્ઞાતાધર્મ કથાંગ સૂત્ર ઃ ૦૧
४०५