________________
२३८
ज्ञाताधर्मकथाङ्गसूत्रे
मत्थयधोयाओ करेइ, पुत्ताणुपुत्तियं वित्ति कप्पेइ, कप्पित्ता पडिविसजेइ । तएणं से सेणिए राया कोडंवियपुरिसे सदावेइ, सदावित्ता एवं वयासी-खिप्पामेव भो देवाणुप्पिया । रायगिहं नयरं आसिय जाव परिगीयं करेह,करित्ताचारगपरिसोहणं करेह करित्ता माणुम्माणबद्धणं करेह, करित्ता एयमाणत्तियं पञ्चप्पिणह जाव पञ्चप्पिणंति । तएणं से सेणिए राया अटारससेणीप्पसेणीओ सदावेइ, सदावित्ता एवं वयासीगच्छहणं तुम्भे देवाणुप्पिया।रायगिहे नयरे अभितरबाहिरिए उस्सुकं उक्करं अभडप्पवेसं अदंडिमकुदंडिमं अधरिमं अधारणिज्जं अणुयमुइंगं अभिलायमल्लदामं गणियावरणाडइज्जकलियं अणेगतालाय राणुचरियं पमुइयपक्कीलियाभिरामं जहारिहं ठिईवडियं दसदिवसियं करेह करित्ता एयमाणत्तियं पगाप्पणह । तेवि करेंति, करित्ता तहेव पञ्चप्पिणंति । तएणं से सेणिए राया बाहिरियाए उवटाणसालाए सीहासणवरगए पुरत्थाभिमुहे सन्निसन्ने सइएहि र साहस्सिएहिय सयसाहस्सेहि य जाएहिं दाएहिं भाएहिं दलयमाणे २ पडिच्छेमाणे २ एवं च णं विहरइ । तएणं तस्स दारगस्स अम्मापियरो पढमे दिवसेजाय कम्मं करेंति,करित्ता बिइयदिवसे जायरियं कति करित्ता तइए दिवसे चंदसूरदसणं कारेंति, एवामेव निव्वत्ते असुइजायकम्मकरणे संपत्ते बारसाह दिवसे विउलं असणं पाणं खाइम साइमं उवक्खडानोंति, उवक्खडावित्ता मित्तणाइणियगसयणसंबंधि परिजणे बलं च वहवे गणणोयग दंडणायग जाव 'आमंति' तओ पच्छा व्हाया कयबलिकम्मा कय कोउय जाव सव्वालंकार विभूसिया
શ્રી જ્ઞાતાધર્મ કથાંગ સૂત્રઃ ૦૧