________________
१९०
ज्ञाताधर्मकथासूत्रे कारणेणं, तं सेयं खलु मे सेणियं रायं एयममु पुच्छित्तए, एवं संपेहेइ संपेहित्ता जेणामेव सेणिए राया तेणामेव उवागच्छइ, उवागच्छित्ता करयलपरिग्गहियं सिरसावत्तं मत्थए अंजलि कटु जएणं विजएणं वद्धावेइ वद्धावित्ता एवं वयासी तुब्भेणं ताओ ! अन्नया ममं एजमाणं पासित्ता आढाइ, परिजाणह, जाव मत्थयंसि अग्घायह, आसणेणं उवणिमंतेह, इयाणिं ताओ ! तुब्भे ममं नो आढाह, जाव नो आसणेणं उवणिमंतेह, किंपि ओहयमणसंकप्पा जाव झियायह, तं भवियव्वं ताओ! एत्य कारणेणं तओ तुब्भे मम ताओ! एयं कारणं अगूहेमाणा, असंकेमाणा, अनिण्हवेमाणा, अप्पच्छाएमाणा जहा भूयमवितहमसंदिद्धे एयमटमाइक्खह, तएणं हं तस्स कारणस्स अंतगमणं गमिस्सामिा से सेणिए राया अभएणं कुमारेणं एवं वुत्ते समाणे अभयकुमारं एवं वयासी-एवं खल्ल,पुत्ता ! तव चुल्लमाउयाए धारिणीए देवीए तस्स गब्भस्स दोसु मासेसु अइकंतेसु तइए मासे वट्टमाणे दोहलकालसमयंसि अयमेयारूवे दोहले पाउब्भवित्था-धन्नाओ णं ताओ अम्मयाओ तहेव निरवसेसं भाणियव्वं जाव विणिति, तएणं अहं पुत्ताधारिणीए देवीए तस्स अकालदोहलस्स बहुहिआएहि य उवाएहि जाव उप्पत्तिं अविंदमाणे ओहयमण संकप्पे जाव झियामि, तुमं आगयपि न जाणामि। तएणं से अभयकुमारे सेणियस्स रन्नो अंतिए एयम सोचा णिसम्म हट्ट जाव हियए सेणियं रायं एवं वपासी-माणं तुब्भे ताओ! ओहयमण जाव झियायह अहण्णं तहा करिस्सामि जहाणं मम चुल्लमायाए
શ્રી જ્ઞાતાધર્મ કથાંગ સૂત્રઃ ૦૧
