________________
Ca
भगवतीसूत्रे तत्र सर्वप्रथमं प्रज्ञापनाद्वारमाह-'रायगिहे' इत्यादि।
मूलम्-रायगिहे जाव एवं वयासी कइ गं भंते! णियंठा पन्नत्ता? गोयमा! पंच णियंठा पन्नता तं जहा-पुलाए १ बउसे२, कुसीले३, णियंठे४, सिणाए ५। पुलाए णंभंते! कइविहे पन्नत्ते ? गोयमा! पंचविहे पन्नत्ते तं जहा-नाणपुलाए १ दंसणपुलाएर, चरित्तपुलाए३, लिंगपुलाए४, अहा सुहुभपुलाए णामं पंचमे। बउसे णं भंते ! कइविहे पन्नत्ते ? गोयमा! पंचविहे पन्नत्ते तं जहा-आभोगबउसे१, अणाभोगबउसे२, संवुडबउसे ३, असंवुडबउसे४, अहा सुहमबउसे णामं पंचमे५। कुसीले णं भंते ! कइविहे पन्नत्ते? गोयमा ! दुविहे पन्नत्ते तं जहा-पडिसेवणा कुसीले य कसायकुसीले य। पडिसेवणा कुसीले णं भंते ! कइविहे पन्नत्ते ? गोयमा! पंचविहे पन्नत्ते तं जहानाणपडिसेवणा कुसीले१ दंसणपडिसेवणा कुसीले२, चरित्तपडिसेवणाकुसीले ३, लिंगपडिसेवणा कुसीले ४, अहासुहुमपडिसेवणा कुसीले णामं पंचमे। कसायकुसीले गं भंते ! कइविहे पन्नत्ते ? गोयमा ! पंचविहे पन्नत्ते तं जहा-नाणकसायकुसीले १ दसणकसायकुसीले २, चरित्तकसायकुसीले ३, लिंगकसायकुसीले४, अहासुहुमकसायकुसीले णाम पंचमे। णियंठे थे भंते ! कइविहे पन्नते ? गोयमा! पंचविहे पन्नत्ते, तं जहापढमसमयणियंठे१, अपढमसमयणियंठे२, चरमसमयणियंठे३, अचरमसमयणियंठे४, अहासुहमणियंठे णामं पंचमे। सिणाए णं भंते ! कइविहे पन्नत्ते? गोयमा! पंचविहे पन्नत्ते, तं जहाअच्छवी१, असबले२, अकम्मसे३, संसुद्धनाणदंसणधरे अरहा
શ્રી ભગવતી સૂત્ર : ૧૬
