________________
४४८
भगवतीस्त्रे वइविणए सत्तविहे पन्नत्ते तं जहा-अपावए असावज्जे जाव अभूयाभिसंकणे से तं पसत्थवइविणए । से किं तं अपसत्थवइविणए, अपसत्थवइविणए सत्तविहे पन्नत्ते तं जहा-पावए सावज्जे जाव भूयाभिसंकणे। से तं अपसत्थवइविणए से तं वइविणए। से किं तं कायविणए, कायविणए दुविहे पन्नत्ते, तं जहा पसत्थ कायविणए य अपसत्थ कायविणए य। से कि तं पसत्थकायविणए, पसत्थकायविणए सत्तविहे पन्नत्ते तं जहा आउत्तं गमणं१, आउत्तं ठाणं२, आउत्तं निसीयणं३, आउत्तं तुयट्टणं४, आउत्तं उल्लंघयणं५, आउत्तं पल्लंघणंद, आउत्तं सबिंदियजोगजुजुणया ७। से तं पसत्थकायविणए। से कि तं अपसत्थकायविणए, अपसत्थकायविणए सत्तविहे पन्नत्ते, तं जहा-अणाउत्तं गमणं१, जाव अणाउत्तं सबिंदियजोगजुजुगया। से तं अपसत्थकायविणए । से तं कायविणए । से किं तं लोगोवयारविणए, लोगोवयारविणए सत्तविहे पन्नत्ते, तं जहा-अब्भसवत्तियं१, परछंदाणुवत्तियंर, कज्जहेउं३, कयपडिकइया४, अत्तगवेसणया५, देसकालण्णया६, सव्वत्थेसु अप्पडिलोभया७। से तं लोगोवयारविणए। से तं विणए । से किंतं वेयावच्चे, वेयावच्चे दसविहे पन्नत्ते, तं जहा-आयरियवेयाबच्चे?, उवज्झायवेयावच्चेर, थेरवेयावच्चे३, तवस्सिवेयावच्चे४, गिलाणवेयावच्चे५, सेहवेयावच्चे६, कुलवेयावच्चे७, गणवेयाबच्चे८, संघवेयावच्चे९, साहम्मियवेयावच्चे१०, से तं वेयावच्चे। से किं तं सज्झाए, सज्झाए पंचविहे पन्नत्ते तं जहा-वायणा१, पडिपुच्छणार, परिवट्टणा३, अणुप्पहा४, धम्मकहा५, से तं सज्झाए ।सू० १०॥
શ્રી ભગવતી સૂત્ર: ૧૬
