________________
११०
भगवतीमत्र कालादेसेणं जहन्नेणं सातिरेगा पुवकोडी दसहिं वाससहस्सेहि अब्भहिया, उक्कोसेणं देसूणाई पंचपलिओवमाइं एवइयं कालं जाव करेज्जा ।। सो चेव जहन्नकालहिइएसु उववन्नो० एस चेव वत्तव्वया। नवरं नागकुमारट्टिई संवेहं च जाणेज्जा २। सो चेव उक्कोसकालहिइएसु उववन्नो तस्स वि एस चेव वत्तव्वया। नवरं ठिई जहन्नेणं देसूणाई दो पलिओवमाइं उक्कोसेणं तिन्नि पलिओवमाइं, सेसं तं चेव जाव भवादेसोति। कालादेसेण जहन्नेणं देसूणाई चत्तारि पलिओवमाइं, उक्कोसेणं देसूणाई पंच पलिओवमाइं। एवइयं कालं जाव करेज्जा ३ । सो चेव अप्पणा जहन्नकालटिइओ जाओ, तस्स वि तिसु वि गमएसु जहेव असुरकुमारेसु उववजमाणस जहन्नकालटिइयस्स तहेव निरवसेसं ६। सो चेव अप्पणा उक्कोसकालहिइओ जाओ तस्स वि तहेव तिन्नि गमगा जहा असुरकुमारेसु उववज्जमाणस्स। नवरं नागकुमारटिइं संवेहं च जाणेज्जा सेसं तं चेव ७-८-९। जइ संखेजवासाउयसन्निपंबिंदिय जाव कि पजतसंखेज्जवासाउय सन्निपंचिंदियतिरिक्खजोणिएहितो उववजेजा अपज्जत्तसंखेज्जवासाउय सन्निपचिंदियतिरिक्खजोणिएहितो उववज्जेज्जा ? गोयमा! पज्जत्तसंखेज्जवासाउय सन्निपंचिदियजोणिएहितो उववज्जेज्जा णो अपज्जत्तसंखज्जवासा
શ્રી ભગવતી સૂત્ર : ૧૪
