________________
प्रमैयचन्द्रिका टीका श०२४ उ.२ सू०१ असुरकुमारदेवस्योत्पादादिकम् ५४९ पंचिंदियतिरिक्खजोणिएहितो उज्जति। असंखेज्जवासाउयसन्निपंचिंदियतिरिक्खजोणिए णं भंते ! जे भविए असुरकुमारेसु उववज्जित्तए, से णं भंते ! केवइयं कालटिइएसु उववज्जेज्जा ? गोयमा ! जहन्नेणं दसवाससहस्सटिइएसु उववज्जिज्जा, उक्कोसेणं तिपलिओवमटिइएसु उववज्जेज्जा। ते णं भंते ! जीवा एगसमएणं पुच्छा गोयमा! जहन्नणं एको वा दो वा तिन्नि वा, उकोसेणं संखेज्जा उववज्जंति। वयरोसभनारायसंघयणी। ओगाहणा जहन्नेणं धणुपुरत्तं, उक्कोसेणं छ गाउयाई। समचउरंससंठाणसंठिया पन्नत्ता। चत्तारि लेस्साओ आदिल्लाओ। णो सम्मदिटी, मिच्छादिट्री, णो सम्ममिच्छादिट्री । णो णाणी अन्नाणी, नियमा दुअन्नाणी महअन्नाणी सुयअन्नाणी य। जोगो तिविहो वि। उवजोगो दुविहो वि। चत्तारि सन्नाओ, चत्तारि कसाया, पंचइंदिया। तिन्नि समुग्घाया आदिल्ला। संमोहया वि मरति, असमोहया वि मरंति। वेयणा दुविहा वि सायावेयगा असायावेयगा। वेदो दुविहो वि-इत्थियवेयगा वि पुरिसवेयगा वि णो णपुंसगवेयगा। ठिई जहन्नेणं साइरेगा पुष्चकोडी, उक्कोसेणं तिन्नि पलिओवमाइं। अज्झवसाणा पसस्था वि अपसत्था वि। अणुबंधो जहेव ठिई। कायसंवेहो भवादेसेणं दोभवग्गहणाई, कालादेसेणं जहन्नेणं साइरेगा पुवकोडी दसहि वाससहस्सहिं अब्भहिया, उक्कोसेणं छप्पलिओवमाइं एवइयं कालं जाव करेजा।१। सो चेव जहन्नकालहिइएसु
શ્રી ભગવતી સૂત્ર : ૧૪
