________________
५२०
भगवतीसूत्रे उक्कोसेणं पुषकोडी। एवं अणुबधो वि । सेसं तं चेव जाव भवादेसो ति। कालादेसेणं जहन्नेणं सागरोवमं वासपुहुत्तमाहियं । उक्कोसेणं बारससागरोवमाइं चउहिं पुवकोडीहिं अब्भहियाई, एवइयं जाव करेज्जा। एवं एसा ओहिएसु तिसु गमएसु मणुस्सलद्धी। णाणत्तं नेरइयठिई कालादेसेणं संवेहं च जाणेज्जा १-२-३। सो चेव अप्पणा जहन्नकालहिइओ जाओ तस्स वि तिसु वि गमएसु एस चेव लद्धी । नवरं सरीरोगाहणा जहन्नगं रयणिपुरत्तं उक्कोसेणं वि रयणिपुहुत्तं, ठिई जहन्नेणं वासपुहुत्तं उक्कोसेणं वि वासपुहुत्तं । एवं अणुबंधो वि सेसं जहा
ओहियाणं । संवेहो सव्यो उवजुंजिऊण भाणियबो ४-५-६। सो चे अप्पणा उक्कोसकालटिइओ जाओ, तस्स वि तिसु वि गमएसु इमं गाणत्तं सरीरोगाहणा जहन्नेणं पंचधणुसयाई, उक्कोसेण वि पंच धणुसयाइं, ठिई जहन्नेणं पुत्वकोडी उक्कोसेण वि पुत्वकोडी एवं अणुवंधो वि, सेसं जहा पढमगमए नवरं नेरइयठिई य कायसंवेहं च जाणेज्जा ७८-९ । एवं जाव छ? पुढवी, नवरं तच्चाए आढवेत्ता, एक्केक्कं संघयणं परिहायइ जहेव तिरिक्ख जोणियाणं, कालादेसो वि तहेव नवरं मणुसस्त ठिई भाणियवा। पज्जत्तसंखेज्जवासाउय सन्निमणुस्से णं भंते ! जे भविए अहे सत्तमाए पुढवीए नेरइएसु उववज्जित्तए, से णं भंते ! केवइय कालदिइएसु उववज्जेज्जा ? गोयमा ! जहन्नेणं बावीससागरो वमट्टिइएसु उक्कोसेणं तेत्तीससागरोवमट्टिइएसु उववज्जेज्जा।
શ્રી ભગવતી સૂત્ર : ૧૪
