________________
भगवतीमत्र उववनंति. जहेव असन्नि। तेसि णं भंते! जीवाणं सरीरगा किं संघयणी पन्नत्ता ? गोयमा! छव्विहसंघयणी पन्नत्ता तं. जहा वइरोसभनारायसंघयणी, उसभनारायसंघयणी जाव छेवहसंघयणी। सरीरोगाहणा जहेव असन्नीणं जहन्नेणं अंगुलस्स असंखेज्जइभागं उक्कोसेणं जोयणसहस्सं। तेसि णं भंते ! जीवाणं सरीरगा किं संठिया पन्नत्ता ? गोयमा ! छविहसंठिया पन्नत्ता, तं जहा समचउरंस० निग्गोह०२ जाव हुंड०६। तेसि णं भंते ! जीवाणं कइलेस्साओ पन्नत्ताओ? गोयमा! छल्लेस्साओ पन्नत्ताओ तं जहा-कण्हलेस्सा जाव सुक्कलेस्सा। दिट्री तिविहा वि। तिन्नि नाणा तिन्नि अन्नाणा भयणाए । जोगो तिविहो वि। सेसं जहा असन्नीणं जाव अणुबंधो, णवर पंचसमुग्घाया आदिल्लगा। वेदो तिविहो वि। अवसेसं तं चेव जाव, से णं भंते ! पजत्तसंखेज्जवासाउय सन्निपंचिंदियतिरिक्खजोणिए रयणप्पभा पुढवी नेरइए, पुणरवि पज्जत्तसंखेज्जवासाउय सन्नि पंचिंदियतिरिक्खजोणिए त्ति केवइयं कालं सेवेज्जा केवइयं कालं गइरागइं करेज्जा? गोयमा! भवादेसेणं जहन्नेणं दो भवग्गहणाई उक्कोसेणं अटुभवग्गहणाई। कालादेसणं जहन्नेणं दसवाससहस्साइं अंतोमुहुत्तमभहियाई, उक्कोसेणं चत्तारि सागरोवमाइं चउहिं पुव्वकोडीहिं अब्भहियाई एवइयं कालं सेवेजा, एवइयं कालं गइरागई करेजा ?।
શ્રી ભગવતી સૂત્ર : ૧૪
