________________
३५६
भगवतीसूत्रे
असंखेज्जाइं जोयणसहस्लाइं अबाहाए अंतरे पण्णत्ते! सक्करप्पभाए णं भंते ! पुढवीए वालुयप्पभाए य पुढवीए केवइए एवं चेव। एवं जाव तमाए अहे सत्तमाए य। अहे सत्तमाए णं भंते! पुढवीए अलोगस्स य केवइए अबाहाए अंतरे पण्णत्ते? गोयमा! असंखेज्जाइं जोयणसहस्साइं अबाहाए अंतरे पण्णत्ते इमीसे णं भंते ! रयणप्पभाए पुढवीए जोइसस्सय केवइयं पुच्छा, गोयमा सत्तनउए जोयणसए आबाहाए अंतरे पण्णत्ते। जोइसस्स णं भंते ! सोहम्मीसागाणं य कप्पाणं केवइयं पुच्छा, गोयमा असंखेज्जाइंजोयण जाव अंतरे पण्णते? सोहम्मीसाणाणं भंते! सणंकुमारमाहिंदाणं य केवइयं एवं चेव, सणंकुमारमाहिंदाणं भंते ! बंमलोगस्स कप्पस्सय केवइयं एवं चेव। बंभलोगस्त णं भंते ! लंतगस्स य कप्पस्स केवइयं एवं चेव, लंतयस्स णं भंते ! महासुक्कस्त य कप्पस्स केवइयं एवं चेव। एवं महासुक्कस्स कप्पस्स सहस्सारस्त य। एवं सहस्सारस्स आणयपाणयकप्पाणं। एवं आणयपाणय य कप्पाणं आरणचुयाणं य कप्पाणं । एवं आरणच्चुयाणं गेविज्जविमाणाणं य। एवं गेविज्जविमाणाणं अनुत्तरविमाणाणं य। अनुत्तरविमाणाणं भंते ! ईसि पब्भाराए य पुढवीए केवइए पुच्छा, गोयमा! दुवालस जोयणं अबाहाए अंतरे पण्णत्ते । ईसिं पब्भाराए णं भंते ! पुढवीए अलोगस्स य केवइए अबाहाए पुच्छा, गोयमा! देसूणं जोयणं अबाहाए अंतरे पण्णत्ते ॥सू०१॥
શ્રી ભગવતી સૂત્ર: ૧૧
