________________
२०
भगवती सूत्रे
जेणेव वीइभये नयरे तेणेव पहारेत्थगमनाए । तएणं तस्स उदायणस्स रण्णो अयमेयारूवे अज्झत्थिए जाव समुप्पज्जित्थाएवं खलु अभीइकुमारे ममं एगपुत्ते इट्टे कंते जाव किमंगपुण पासणयाए ? तं जइणं अहं अभीइकुमारे रज्जे ठावेत्ता समणस्स भगवओ महावीरस्स अंतियं मुंडे भवित्ता जाव पवयामि तो णं अभीइकुमारे रज्जे य जाव जणवए माणुस्सएसु य कामभोगेसु मुच्छिए गिद्धे गढिए अज्झोववन्ने अणादीयं अणवदग्गं दीहमद्धं चाउरंत संसारकंतारं अणुपरिय हिस्सइ, तं नो खलु मे सेयं अभीइकुमारे रज्जे ठावेत्ता समणस्स भगवओ महावीरस्स जाव पव्वइत्तए, सेयं खलु मे नियगं भाइणेज्जं केसिकुमारं रज्जे ठावेत्ता समणस्स भगवओ जाव पव्वइत्तए, एवं संपेहिइ, एवं संपेहित्ता, जेणेव वीइभए नयरे, तेणेव उवागच्छ, उवागच्छित्ता वीइभयं नयरं मज्झं मज्झेणं जेणेव सए गेहे जेणेव बाहिरिया उवट्टाणसाला तेणेव उवागच्छइ, उवागच्छित्ता, अभिसेकं हत्थि ठवेइ, ठचित्ता, आभिसेक्काओ हत्थीओ पच्चोoes, पच्चोरुहित्ता, जेणेव सीहासणे तेणेव उवागच्छइ, उवागच्छित्ता, सीहासणवरंसि पुरत्थाभिमुहे निसीयइ, निसीयत्ता कोडुंबियपुरिसे सहावेइ, सदावित्ता एवं वयासीखिप्पामेव भो देवाणुपिया ! वाइभयं नयरं सभितर बाहिरियं जाव पच्चपिणति । तएणं से उदायणे राया दोच्चंपि कोडुं - बियपुरिसे सहावे सद्दावित्ता, एवं वयासी - खिप्पामेव भो
શ્રી ભગવતી સૂત્ર : ૧૧
