________________
भगवतीसूत्रे
-
-
के मन्ने कल्लाणे फलवित्तिविसेसे भविस्सइ ।तएणं सुविण. लक्खणपाढगा वलस्त रन्नो अंतिए एयमढे सोचा निसम्म हतुट्ठ० तं सुविणं ओगिण्हंति, ओगिणिहत्ता ईहं अणुप्पविसंति, अणुप्पविसित्ता तस्स सुविणस्स अत्थोगहणं करेंति, करेत्ता अन्नमन्नेणं सद्धिं संचालेंति, संचालेत्ता तस्ल सुविणस्स लट्ठा गहियट्टा पुच्छियट्ठा विणिच्छियटा अभिगयटा, बलस्स रणो पुरओ सुविणसत्थाई उच्चारेमाणा उच्चारेमाणा एवं वयासीएवं खलु देवाणुप्पिया। अम्हं सुविणसत्थंसि बायालीसं सुविणा, तीसं महासुविणा वावत्तरि सव्वसुविणा दिट्टा, तत्थणं देवाणुप्पिया! तित्थगरमायरो वा, चक्कवट्टिमायरो वा, तित्थगरंसि वा, चकवहिसि वा गभं वकममाणंसि एएर्सि तीसाए महासुवि. णाणं इमे चोदसमहासुविणे पासित्ताणं पडिबुज्झंति तंजहा-गय -वसह-सीह-अभिसेय-दाम-ससि-दिणयरं झयं-कुंभं। पउम-सर-सागर-विमाण-भवण-रयणुच्चय-सिहिंच॥१॥ वासुदेवमायरो वा, वासुदेवंसि गब्भं वकममाणंसि एएसिं चोदसण्हं महासुविणाणं अन्नयरे सत्तमहासुविणे पासित्ताणं पडिबुझंति, बलदेवमायरो वा, बलदेवंसि गम्भं वक्कममाणंसि एएसिं चोदसण्हं महासुविणाणं अन्नयरे चत्तारि महासुविणे पासित्ताणं पडिबुज्झति, मंडलियमायरो वा मंडलियंसि गभं वक्कममाणंसि एसिणं चउदसण्हं महासुविणाणं अन्नयरे एगं महासुविणाणं पासित्ताणं पडिबुज्झति, इमे य णं देवाणुप्पिया!
શ્રી ભગવતી સૂત્ર : ૯
