________________
भगवतीसूत्रे मूलम्-"तएणं से बले राया कोडंबियपुरिसे सदावेइ, सद्दावेत्ता, एवं वयासी-खिप्पामेव भो देवाणुप्पिया! अज्ज सविसेसं बाहिरियं उवटाणसालं गंधोदयसित्तसुइयसंमाजिओवलितं सुगंधवरपंचवण्णपुप्फोवयारकलियं कालागुरुपवरकुंदरुक जाव गंधवहिभूयं करेहय, करावेहय, करेत्ता, करावेत्ता सीहासणं रएह, रया. वेत्ताममेत्तं जाव पञ्चप्पिणह। 'तएणं ते कोडुंबिय जावपडिसुणेत्ता खिप्पामेव सविसेसं बाहिरियं उवटाणसालं जाव पञ्चप्पिणति। तएणं से बलेराया पच्चूसकालसमयसि सयणिजाओ अब्भुटेइ, अब्भुटेता पायपीढाओ पच्चोरुहइ पच्चोरुहित्ता, जेणेव अदृण. साला तेणेव उवागच्छइ, अट्टणसालं अणुपविसइ, जहा उववाइए तहेव अदृगसाला, तहेव मज्जणघरे, जाव ससिव्व पियदंसणे नरवई मज्जनघराओ पडिणिक्खमइ पडिणिक्खमित्ता जेणेव बाहिरिया उवट्टाणसाला, तेणेव उवागच्छइ, उवागच्छित्ता सीहासणवर्गसि पुरस्थाभिमुहे निसीयइ, निसीइत्ता अप्पणो उत्तरपुरस्थिमे दिसौभागे अट्ठभद्दासणाई सेयवस्थपच्चुत्थुयाई, सिद्धत्थगकयमंगलोवयाराई रयावेइ, रयावेत्ता अप्पणो अदूरसामंते णाणामणिरयणमंडियं अहियपेच्छणिज्जं महग्यवरपट्टणुग्गयं सह पट्टबहुभत्तिसयचित्तताणं ईहा मिय-उसभ जाव भत्तिचित अभितरियं जवणियं अंछावेइ, अंडावेत्ता, नाणामणिरयणभत्तिचित्ते अच्छरयमउयमसूरगोच्छगं सेयवस्थपच्चुत्थुयं अंगसुह. फासुयं सुमउयं पभावईए देवीए भदासणं रयावेई, रयावेत्ता
શ્રી ભગવતી સૂત્ર: ૯