________________
કર
भगवती सूत्रे सोचा निसम्म हट्ट जाव हियए धाराहयनीव सुरभिकुसुमचंचुमालइयतण्यऊसवियरोमकुत्रे तं सुविणं ओगिण्हइ, ओगिहित्ता ईहं पविसइ, पविसित्ता अप्पणोसाभाविएणं मइपुछएणं बुद्धिविन्नाणेणं तस्स सुविणस्स अत्थोग्गहणं करेइ, करेत्ता, पभावई देवीं ताहि इट्ठाहिं कंताहिं जाव मंगल्लाहि मियमहुरसस्ति० संलवमाणे संलवमाणे एवं वयासी-ओराले णं तुमे देवी ! सुविणे दिट्ठे कल्लाणे णं तुमे जाव सस्सिरीएणं तुमे देवी ! सुविणे दिट्ठे आरोग्गतुट्टिदीहाउ कल्लाणं मंगल्लकारएणं तुमे देवी! सुविणे दिट्ठे अत्थलाभो देवाणुपिए! भोगलाभो देवाप्पिए ! पुत्तलाभो देवाणुप्पिए ! रज्जलाभो देवाणुप्पिए! एवं खलु तुमे देवाणुपिए! णवण्हं मासाणं बहुपडिपुण्णाणं अद्धमाण इंदियाणं विइकंताणं अम्हं कुलकेउं कुलदीवं कुलपव्वयं, कुलवडेंसयं, कुलतिलगं, कुलकित्तिकरं, कुलनंदिकरं, कुलजसकरं, कुलाधारं, कुलपायवं कुलवित्रद्धणकरं, सुकुमालपाणिपायं अहोणपडिपुन्नपंचिंदियसरीरं जाव ससिसोमागारं कंतं पिय. दंसणं, सुरूवं देवकुमारसमप्पभं दारगं पयाहिसि, सेऽवि य णं दारए उम्मुकबालभावे विन्नायपरिणयमित्ते जोठवणगमणुपत्ते, सुरे वीरे विकते विभिन्नविउलबलवाहणे रज्जवई राया भवि एसइ, तं उरालं णं तुमे जाव, सुमिणे दिट्टे आरोग्गतुट्टि जाव मंगल्लकारए णं तुमे देवी! सुविणे दिट्ठे तिकट्टु पभावई देविं ताहिं इाहिं जाव वग्गूहिं दोचंपि, तच्चंपि अणुवृहइ । तएणं सा प्रभावई देवी बलस्सरण्णो अंतिए एयमहं सोच्चा निसम्म हट्टतुट्ट
શ્રી ભગવતી સૂત્ર : ૯
