________________
३२८
भगवतीसूत्रे पुप्फाणिय, फलाणिय, बीयाणिय, हरियाणिय, ताणि अणु जाणउ तिकट्ठ पुरस्थिमं दिसं पसरइ, पुरथिमं दिसं पसरित्ता जाणिय, तत्थ कंदाणिय जाव हरियाणिय ताइ गेण्हइ, गेण्हित्ता किढिणसंकाइयं भरेइ, भरित्ता, दब्भे य, कुसे य, समिहाओ य पत्तामोडं च गेण्हइ, गेण्हित्ता जेणेव सए उडए तेणेव उवा गच्छइ, उवागच्छित्ता किढिणसंकाइयगं ठवेइ, ठवित्ता, वर्दि वडइ, बद्भित्ता, उवलेवणसंमजणं करेइ, करित्ता, दब्भसगब्भकलसहत्थगए जेणेव गंगामहानई तेणेव उवागच्छइ, उवागच्छित्ता गंगामहानइं ओगाहेइ, ओगाहित्ता, जलमजणं करेइ, करित्ता, जलकीडं करेइ, करित्ता जलाभिसेयं करेइ, करित्ता, आयंते चोक्खे परमसुइ भूए, देवय पिइकयकज्जे दब्भसगब्भकलसहत्थगए गंगाओ महानईओ पच्चुत्तरइ, पच्चुत्तरेत्ता, जेणेव सए उडए, तेणेव उवागच्छइ, उवागच्छित्ता दब्भेहिय, कुसहिय, वालुयाएहिय, वेइं रएइ, रइत्ता सरएणं अरणि महेइ, महित्ता, अग्गि पाडेइ, पाडित्ता, अग्गिं संधुक्खइ संधुक्खित्ता, समिहा कटाई पक्खिवइ, पक्खिवित्ता अरिंग उज्जालेइ, उजालित्ता"अग्गिस्स दाहिणे पासे, सत्तं गाई समादहे, सकहं वक्कलं ठाणं, सिजाभंडं कमंडलुं॥१॥दंडदारूं तहा पाणं, अहे ताइसमादहे।
महुणाय, घएणय तंदुलेहिय, अग्गि हुणइ, हुणित्ता चरुं साहेइ, साहित्ता, बलिवइस्सदेवं करेइ, बलिवइस्सदेवं करिता अतिहिपूयं करेइ, करित्ता, तओपच्छा, अप्पणा आहारमाहारेइ।
શ્રી ભગવતી સૂત્ર : ૯