________________
१००
भगवतीसो उड़ जाणू जाव विहरइ । तेणं कालेणं, तेणं समएणं समणस्स भगवओ महावीरस्त अंतेवासी सामहत्थी णामं अणगारे पयइभदए जहा रोहे जाव उट्ठे जाणू जाव विहरइ । तए णं से सामहत्थी अणगारे जायसड्ढे जाव उठाए उट्रेत्ता, जेणेव भगवं गोयमे, तेणेव उवागच्छद, उवागच्छित्ता भगवं गोयमं तिक्खुत्तो जाव पज्जुवासमाणे एवं वयासो-अस्थिणं भंते ! चमरस्स असुरिंदस्त असुरकुमाररण्णो तायत्तीसगा देवा ? हंता, अस्थि। से केणट्रेणं भंते ! एवं वुच्चइ-चमरस्स असुरिंदस्स असुरकुमाररणो तायत्तीसगा देवा, तायत्तीसं सहाया? एवं खल्लु सामहत्थी ! तेणं कालेणं, तेणं समएणं, इहेब जंबुद्दीवे दीवे भारहे वासे कायंदीनामं नयरी होत्था, वण्णओ, तत्थ णं कायंदीए नयरीए तायत्तीसं सहाया गाहावई समणोवासगा परिवसंति, अड्डा जाव अपरिभूया अभिगयजीवाजविा, उवलद्ध. पुण्णपावा जाव विहरंति, तए णं ते तायत्तीसं सहाया गाहावई समणोवासया पुच्विं उग्गा उग्गविहारी संविग्गा संविग्गविहारी भवित्ता, तओ पच्छा पासत्था पासस्थविहारी, ओसन्ना ओसन्नविहारी, कुसीला कुसीलविहारी संसत्ता ससत्तविहारी, अहाछंदा अहाछंदविहारी, बहूई वासाई समणोवासगपरियागं पाउणंति पाउणित्ता, अद्धमासियाए संलेहणाए अत्ताणं झूमति, झूसित्ता तीसं भत्ताइं अणसणाए छेदेइ, छेदित्ता, तस्स ठाणस्स अणालोइयपडिकता कालमासे कालं किच्चा, चमरस्त असुरिंदस्स असुरकुमाररण्णो तायत्तीसगदेवत्ताए उववन्ना। जप्पभिइंच गं भंते ! कायंदगा तायत्तीसं सहाया गाहावई समणोवासगा
શ્રી ભગવતી સૂત્ર : ૯
