________________
૨૮e
भगवतीसूत्रे चेव। वेउव्वियसरीरप्पओगबंधे णं भंते ! किं देसवंधे, सव्वबंधे? गोयमा ! देसबंधे वि, सव्वबंधे वि। वाउकाइय एगिदिय० एवं चेव । रयणप्पभापुढविनेरइया एवं चेव । एवं जाव, अणुत्तरोववाइया। वेउब्वियसरीरप्पओगबंधे णं भंते ! कालओ केवचिरं होइ ? गोयमा ! सव्वबंधे जहण्णेणं एक्कं समयं, उक्कोसेणं दो समया, देसबंधे जहण्णे णं एवं समयं, उक्कोसेणं तेत्तीसं सागरोवमाइं समयूणाई । वाउक्काइयएगिदियवेउवियपुच्छा, गोयमा ! सव्वबंधे एक्कं समयं, देसबंधे जहाणेणं एक समयं, उक्कोसेणं अंतोमुहुत्तं । रयणप्पभापुढविनेरइयपुच्छा, गोयमा ! सव्वबंधे एक्कं समय, देसबंधे जहण्णेणं दसवाससहस्साइं तिसमयऊणाई, उक्कोसेणं सागरोवमं समऊणं, एवं जाव अहेसत्तमा, नवरं देसबंधे जस्स जा जहनिया ठिई, सा तिसमयूणा कायव्वा, जस्स जा उक्कोसा सा समयूणा । पंचिंदियतिरिक्खजोणियाण, मणुस्साण य जहा वाउक्काइयाणं असुरकुमार--नागकुमार० जाव अणुत्तरोववाइयाणं जहा नेरइयाणं, नवरं जस्स जा ठिई सा भाणियब्वा, जाव अणुत्तरोववाइयाणं सव्वबंधे एक्कं समयं, देसबंधे जहणणेणं एक्कतीसं सागरोवमाइं तिसमयूणाई, उक्कोसेणं तेत्तीसं सागरोवमाई, समयूणाई । वेउब्वियसरीरप्पओगबंधंतरं णं भंते ! कालओ केवच्चिरं होइ ? गोयमा ! सव्वबंधंतरं जहाणेणं एक्कं समयं, उक्कासेणं अणतं कालं, अणंताओ जाव आवलियाए असंखे
श्री. भगवती सूत्र :७