________________
प्रमेयचन्द्रिका टीका श० ८ ० ९ सू. ३ प्रयोगबन्धनिरूपणम् १८३ णं संखेज्जं कालं, सेत्तं देससाहणणा बंधे।से कि तं सव्वसाहणणाबंधे ? सव्वसाहणणाबंधे से णं खीरोदगमाईणं, से तं सम्बसाहणणाबंधे, से तं साहणणाबंधे, से तं अल्लियावणबंधे । से किं तं सरीरबंधे ? सरीरबंधे दुविहे पण्णत्ते, तं जहापुवप्पओगपच्चइए य, पडुप्पन्नपओगपच्चइए य । से किं तं पुवप्पओगपच्चइए ? पुवप्पओगपच्चइए जं शं नेरइयाणं संसारत्थाणं सव्वजीवाणं तत्थ तत्थ तेसु तेसु कारणेसु समोहणमाणाणं जीवप्पएसाणं बंधे समुप्पज्जइ, से तं पुव्वप्पओगपच्चइए। से किं तं पडुप्पन्नप्पओगपच्चइए ? पडुप्पप्पओगपच्चइए जं णं केवलनाणिस्स अणगारस्स केवलिसमुग्घाएणं समोहयस्स ताओ समुग्घायाओ पडिनियत्तेमाणस्स अंतरामथे वट्टमाणस्स तेयाकम्माणंबंधे समुप्पज्जइ, किं कारणं? ताहे से पएसा एगत्तीकया भवंति त्ति, से तं पडुप्पन्नप्पओगपच्चइए, से तं सरीरबंधे। से किं तं सरीरप्पओगबंधे ? सरीरप्पओगबंधे पंचविहे पण्णत्ते, तं जहा-ओरालियसरीरप्पओगबंधे, वेउब्वियसरीरप्पओगबंधे,आहारगसरीरप्पओगबंधे,तेयासरीरप्पओगबंधे कम्मासरीरप्पओगबंधे। ओरालियसरीरप्पओगबंधेणं भंते ! कइविहे पण्णत्ते ? गोयमा! पंचविहे पण्णत्ते, तं जहा-- एगिदियओरालियसरीरप्पओगबंधे, बेदियओरालियसरीरप्प-- ओगबंधे, जाव--पंचिदिय ओरालियसरीरप्पओगबंधे, एगिदिय ओरालियसरीरप्पओगबंधे णं भंते ! कइविहे पण्णत्ते ? गोयमा!
શ્રી ભગવતી સૂત્ર : ૭
