________________
७५२
भगवतीस
जाव समोसढे जाव परिसा पडिगया, तेणं कालेणं, तेणं समएणं समणस्स भगवओ महावीरस्स बहवे अंतेवासी थेरा भगवंतो जाइसंपन्ना कुलसंपन्ना जहा बितियसए जाव जीवियासामरणभयविप्यमुक्का समणस्स भगवओ महावीरस्स अदूरसामंते उड्ढजाणू अहोसिरा झाणकोट्टोवगया संजमेण तवसा अप्पाणं भावेमाणा जाव विहरंति, तरणं ते अन्नउत्थिया जेणेव थेरा भगवंतो तेणेव उवागच्छंति, उवागच्छित्ता ते थेरे भगवंते एवं वयासी तुब्भेणं अजो ! तिविहं तिविहेणं असंजयअविरयअप्प डिहय जहा सत्तमसए वितिए उद्देसए जाव एगंतवाले यावि भवह, तए णं ते थेरा भगवंतो ते अन्नउत्थिए एवं वयासी-केण कारणेणं अजो ! अम्हे तिविहं तिविहेणं असंजय अविरय० जाव एगंतबाला यावि भवामो ? तरणं ते अन्नउत्थिया ते थेरे भगवंते एवं वयासि तुम्भेणं अजो ! अदिन्नं हह, अदिन्नं भुंजह, अदिन्नं साइजह, तरणं ते तुब्भे अदिन्नं गेहमाणा अदिन्नं भुंजमाणा अदिन्नं साइजमाणा तिविहं तिविहेणं असंजय अविरय जाव एगंतबाला यावि भवह, तए णं ते थेरा भगवंतो ते अन्न उत्थिए एवं वयासी-केण कारणेणं अजो ! अम्हे अदिन्नं गेण्हामो, अदिन्नं भुंजामो, अदिनं साइजामो ? जए णं अम्हे अदिनं गेहमाणा जाव अदिन्नं साइजमाणा तिविहं तिविहेणं
શ્રી ભગવતી સૂત્ર : ૬
